ЯҢАЛЫКЛАР

20 июльдә Россия Президенты тарафыннан Бюджет кодексына һәм җирле үзидарә турында законга үзгәрешләр кертү хакында федераль законнар имзаланды, алар Россия Федерациясендә инициатив бюджетлаштыруның хокукый нигезләрен ныгытуга юнәлдерелгән.

Инициатив бюджетлау институты уңышлы үсеш ала һәм инде 30 елдан артык дөньяның 80 илендә гамәлгә ашырыла. Финанс министрлыгы 2015 елда ук Россия тәҗрибәсендә "инициативалы бюджетлау" терминын кертте. Бу Россиядә булган төбәк һәм муниципаль тәҗрибәләрне берләштерергә мөмкинлек бирде. Үзгәрешләр тиешле хокукый нигез булдыра һәм муниципаль инициативалы проектларны үстерү өчен өстәмә импульс бирәчәк.

РФ субъектларының тупланган бюджетларын соңгы айда үтәү турындагы беренчел мәгълүматлар төбәк керемнәре белән вәзгыятьнең яхшыруы турында сөйли.

 Төбәк бюджетларына керү күрсәткечләре яхшыра. Салым керемнәре керүнең соңгы айда кимүе узган елның шул ук чорына карата 9% тан 7% ка кадәр кимегән. Хәлнең тотрыклануы 67 төбәктә күзәтелә (80% ка якын). Беренче яртыеллыкта төбәк бюджетларына 5 трлн сумга якын (4,869 трлн. сум) килде.

2020 елның 21 июленнән 22 июленә кадәр Россия Федерациясе Финанс министрлыгы тарафыннан Федераль казначылык базасында видео-конференц-элемтә режимында «2021-2023 елларда Россия Федерациясендә бюджет сәясәтен һәм бюджетара мөнәсәбәтләрне төзүгә төп алымнар» темасы буенча Россия Федерациясе субъектларының финанс бүлекләре җитәкчеләре белән Бөтенроссия семинар-киңәшмәсе үткәрелде.

РФ төбәкләренең берләштерелгән бюджетларының соңгы айда үтәлеше турындагы беренчел мәгълүматлар төбәк керемнәре буенча хәлнең яхшыруы турында сөйли. Төбәк бюджетларының керемнәре арта. Салым керемнәре керүнең соңгы айда кимүе узган елның шул ук чорына карата 9% тан 7% ка кадәр кимегән. Хәлнең тотрыклануы 67 төбәктә күзәтелә (80% ка якын). Беренче яртыеллыкта төбәк бюджетларына 5 трлн сумга якын (4,869 трлн. сум) килде.

РФ Хөкүмәте 2019 елдан бюджетара трансфертлардан файдалануның үтә күренмәлелеген һәм нәтиҗәлелеген арттыру, акчаларны төбәкләргә җиткерүне тизләтү буенча эш алып бара. Нәтиҗәдә бюджетара трансфертларның 94%ы 2019 ел ахырында бюджет турындагы канунда бүленгән. Ә акчаларны вакытында тоту өчен төбәкләр әле ел башына кадәр үк килешүләр төзегән иде, аларның күп өлеше - субсидияләр буенча гомуми санның 99,7%ы һәм башка бюджетара трансфертлар буенча 80%ка якыны.

Төбәк бюджетларының керемнәре кимүен каплау һәм аларның тотрыклылыгын тәэмин итү өчен аларга финанс ярдәме күрсәтелә. Әлеге максатларга РФ Хөкүмәте тарафыннан 300 млрд сум каралган.

Финанс ярдәменең беренче өлеше инде бүленгән, ул 100 млрд. сум тәшкил итә һәм РФ 56 субъектына май ахырында бирелгән.

2020 елның 21 июлендә РФ Президенты «2030 елга кадәр милли үсеш максатлары турында» Указга кул куйды.

«Һичшиксез, үсешнең милли максатлары - Хөкүмәт эшчәнлегенең өстенлеге ул. Президент куйган бурычлар - милли максатларга туры килә торган министрлыклар һәм ведомстволар эше өчен күрсәткечләрне билгеләү», - дип шәрехләде РФ финанслар министры А.Г.Силуанов.

Россия Финанс министрлыгы әзерләгән социаль заказ турындагы законнар пакеты үз көченә керде, ул социаль өлкәдә дәүләт хезмәтләрен күрсәтүнең сыйфатын күтәрүгә юнәлдерелгән (сәламәтлек саклау, социаль яклау, халыкны эш белән тәэмин итү, физкультура, спорт һәм туризм).

Кануннар бюджет даирәсе реформасының дәвамы булып тора һәм дәүләтнеке булмаган оешмаларны бюджет акчалары исәбеннән дәүләт һәм муниципаль хезмәтләр күрсәтүгә җәлеп итүгә юнәлдерелгән. Кануннар дәүләт һәм дәүләтнеке булмаган оешмалар өчен тигез эш шартлары тудыра.

Бүген Татарстан Республикасы Хөкүмәте йортында «Татнефть» ГАҖ Директорлар советының чираттагы утырышы узды. Утырышны Татарстан Республикасы Президенты, «Татнефть» ГАҖ Директорлар советы рәисе Рөстәм Миңнеханов алып барды.    

Директорлар советы 2020 елның беренче яртыеллыгында компаниянең бюджеты үтәлешенә йомгак ясады, август аена бюджетын раслады.

Бүген Татарстан Республикасы Министрлар Кабинеты утырышында республиканы цифрлы трансформацияләү мәсьәләләре каралды, утырышны Татарстан Премьер-министры Алексей Песошин алып барды. Анда Татарстан Республикасы Президенты Рөстәм Миңнеханов та катнашты. 

Алексей Песошин ассызыклаганча, хәзерге тиз үзгәрүчән дөньяда каралар кабул итү тизлегенә таләпләр арта. Мәгълүмат технологияләренең аппарат өлешендә дә, программалар белән тәэмин итүдә дә интенсив үсеше аларны куллануның яңа сыйфатына күчүгә алшартлар тудыра.