ЯҢАЛЫКЛАР
Бүген Татарстан Республикасы Президенты Рөстәм Миңнеханов рәислегендә Казанда Татарстан Республикасы Хөкүмәте йортында «Татнефть» ГАҖ Директорлар советының чираттагы утырышы узды.
22 мартка республикада 642 мең кв.м. торак файдалануга тапшырылган, бу планның 26,5%ы. Бүген бу хакта Татарстан Республикасы Хөкүмәте йортында узган республика киңәшмәсендә Татарстан Республикасы Төзелеш, архитектура һәм ТКХ министры Ирек Фәйзуллин хәбәр итте.
РФ төбәкләрен һәм муниципаль берәмлекләрне илкүләм проектларны гамәлгә куюны мониторинглау системасына тоташтырырга кирәк. Бу хакта беренче вице-премьер, финанс министры Антон Силуанов төбәкләр белән селектор киңәшмәсе барышында җиткерде.
2019 елның 22 мартында Татарстан Республикасы Финанс министрлыгында видеоконференция режимында муниципалитетлар белән чираттагы киңәшмә узды.
Еллык чагылышта Россиянең тулаем эчке продукты үсеше гыйнвардагы 0,7% белән чагыштырганда, 1,5% кадәр тизләнде, бу агымдагы елда икътисадый үсеш траекториясе көтелгәннән югарырак урнаша бара дигән сүз. Бу хакта Икътисадый үсеш министрлыгы нотыгында хәбәр ителә.
РФ Премьер-министры Дмитрий Медведев министрларга бюджет инвестицияләрен бүлеп бирүне гадиләштерү буенча законга тәкъдимнәр әзерләргә кушты.
РФ Хөкүмәте якын арада нефть тармагындагы салым маневрын төзәтү зарурлыгын тикшерәчәк, нефть продуктларына бәяләр белән кулдан идарә итүдән баш тартырга тырышачак. Бу хакта вице-премьер Дмитрий Козак хәбәр итте.
РФ Премьер-министры Дмитрий Медведев илкүләм проектларга бюджет ассигнованиеләрен 2019 елда файдалану буенча эшне тизрәк оештыруга юнәлтелгән йөкләмәләргә кул куйды.
Бүген Дәүләт Советы утырышында беренче укылышта һәм тулаем 2019 елга һәм 2020, 2021 еллар план чорына бюджет турында республика законына үзгәрешләр кертү турында закон проекты кабул ителде. Нигездә федераль бюджет чаралары хисабына бюджетның керем өлеше 5,2 млрд. сумга арттырылган.
РФнең федераль бюджеты профициты 2019 елның гыйнвар-февралендә тулаем эчке продуктның 2% яисә 309,632 млрд сум тәшкил иткән. Бу хакта Финанс министрлыгының сайтына урнаштырылган материаллардан билгеле булды.