ЯҢАЛЫКЛАР

Татарстан Республикасы консолидацияләнгән бюджетына 2014 елның 9 аенда 133,7 млрд. сум күләмендә үзенең табышы тупланган.

Бу хакта бүген Татарстан Республикасы Президенты Рөстәм Миңнеханов Татарстан Республикасы финанс, казначылык һәм салым органнарының 2014 елның 9 аендаТатарстан Республикасы берләштерелгән бюджетын үтәү йомгаклары һәм 2014 елның азагына кадәр бурычлар буенча киңәшмәсендә белдерде. Киңәшмә республиканың бөтен муниципаль районнары белән видеоконференцэлемтә режимында узды.

Бүген Татарстан Республикасында “Урман утырту көне” табигатьне саклау акциясе уза. Акция 2011 елдан ТР Урман хуҗалыгы министрлыгы инициативасы буенча һәм ТР Министрлар Кабинеты карары нигезендә уздырыла. Акциядә ТР Финанслар министрлыгының хезмәткәрләре дә катнашты.

Татарстанда беренче тапкыр барлык республика төзелеш программаларын яңа ел башына әзерләү планлаштырыла. Шундый бурыч турында бүген ТР Премьер-министры Илдар Халиков видеоконференция режимында барган атналык киңәшмәдә белдерде.

Илдар Халиков сүзләренчә, хәзер барлык муниципаль берәмлек җитәкчеләре, шулай ук профильле республика министрлыклары алдында ике мөһим бурыч тора. Шуларның беренчесе – 2015 елгы республика программаларын әзерләү.
“2015 елның 1 гыйнварына барлык программалар да әзер булырга тиеш,- дип ассызыклады Хөкүмәт башлыгы. – Без беренче тапкыр үз алдыбызга мондый бурыч куябыз. Ул гади түгел, алда документлар белән бик күп эшләр тора. Әмма 1 гыйнварга без республика программаларының барлык 100% объектларына кирәкле документациянең барлыгын ачык аңларга тиеш”.

РФ Финанслар министрлыгы башлыгы якын арада сумның стабильләшүе мөмкин дип саный. "Безнең хәлебез яңача тигезләшергә тиеш. Сәүдә балансында яңа положенияләрне һәм капиталның читкә китүен исәпкә алганда валюта бәясе тигез тору юлын эзли. Якын арада бу хәл булыр дип ышанабыз", - диде Силуанов.

Бүген Казанда бишенче чакырылыш Татарстан Дәүләт Советының икенче утырышы узды. Республиканың эчке һәм тышкы эшчәнлеге турында Татарстан Республикасы Президентының Татарстан Республикасы Дәүләт Советына еллык юлламасы көн тәртибенең бердән-бер мәсьәләсе булды. Утырышта ТР Дәүләт Киңәшчесе Минтимер Шәймиев, республика Дәүләт Советы Рәисе Фәрид Мөхәммәтшин, ТР Премьер-министры Илдар Халиков, Татарстан Дәүләт Советы депутатлары, дәүләт хакимияте органнары, бизнес һәм киң җәмәгатьчелек вәкилләре катнашты. Юллама белән Татарстан Президенты Рөстәм Миңнеханов чыгыш ясады.

Россия Федерациясе Президенты В.Путин "Дәүләт (муниципалитет) учрежденияләренең хокукый торышын камилләштерү белән бәйле Россия Федерациясенең аерым закон актларына үзгәрешләр кертү хакында" Федераль законның 30 матдәсенә  һәм Россия Федерациясенең Бюджет Кодексына үзгәрешләр кертү турында" Федераль законга кул куйды.

Бүген Салих Сәйдәшев исемендәге Зур Дәүләт Концерт залында ТР Президенты Рөстәм Миңнеханов ТР Дәүләт Советына "Республиканың тышкы һәм эчке торышы турында" еллык юламмачы белән чыгыш ясыячак. Чара сәгать 10.00 башлана. Аңа парламентарийлардан башка министрлар, район башлыклары, республиканың эре предприятие җитәкчеләре, шулай ук Дәүләт Думасы депутатлары һәм Татарстаннан сенаторлар катнашачак.

Россия Федерациясенең Финанслар министры Антон Силуанов 2014 ел нәтиҗәләре буенча Резерв фондын тулыландыру мөмкинлеген искәртми.

"Агымдагы елда без Резерв Фондының акчаларын тотарга җыенмыйбыз, киресенчә, тулыландырырга мөмкинбез. керемнәрнең ничек җыелуына карарбыз", - диде Силуанов, Федерация Советының пленар утырышында ясаган чыгышы барышында. 

Дәүләт программаларын тикшергәннән соң Хөкүмәт аларның кайберләреннән баш тартып бюджетның кризиска каршы резервын арттырыга мөмкин.

"Бюджет - өстенлекләр һәм компромиссларны эзләү ул". Киләсе елның төп өстенлекләре, аларның барысына да акча җитсә, ничек үтәлүе хакында "Власть"ка РФ финанслар министрының беренче урынбасары Татьяна Нестеренко сөйләде.