ЯҢАЛЫКЛАР

Киңәшмәләр барышында планлаштырылган чыгымнарның керем белән тәэмин ителеше, муниципаль берәмлекләрнең Дәүләт торак фондына түләнүче кертемнәр тикшерелде. 

Татарстан Республкиасы Финанс министрлыгында тармаклы министрлык һәм ведомстволар белгечләре белән берлектә хезмәт хакын яңа система белән түләү мәсьәләсе буенча киңәшмә үтте. Әлеге киңәшмәдә ТР Министрлар Кабинеты каршындагы икътисад һәм социаль тикшерүләр үзәге белгечләре һәм "БАРС Групп" вәкилләре катнашты.

Татарстан Республикасы финанс министры Радик Гайзатуллин "Татспиртпром" ААҖ Г.Куприянов белән 2012 елның ярты елы нәтиҗәләре буенча очрашты. Очрашуда "Татспиртпром" ААҖ эшчәнлеге нәтиҗәләренең төп күрсәткечләре, алкоголь продукциясен җитештерү һәм сату, финан-хуҗалык күрсәткечләр динамикасы, Татарстан Республикасының тупланма бюджетына кертемнәре тикшерелде. Шулай ук предприятиянең алдагы эшчәнелегенә төп юнәлешләр билгеләнде.

Татарстан Республикасының Бөгелмә районынының Карабаш бистәсендә Татарстан Республикасы нефть компаниясе җитәкчеләренең традицион саммиты узды. Әлеге чарада Татарстан Республикасы Президенты - "Татнефть" ААҖ Директорлар Советы рәисе Р.Н.Миңнеханов катнашты. Нефть саммитында ТР финанс министрының беренче урынбасары - Казначылык департманты директоры директоры М.Д.Фәйзрахманов катнашты.

Федераль дәрәҗәдә кече кәсәбчеләр өчен махсус салым режимны камилләштерү сәбәпле республикада 2013 елның 1 гыйнварыннан патент салым салу системасын кертү буенча ТР закон проектын әзерләү башланды.

Татарстан республикасы Финанс министрлыгында 2012 елның 2 июлендә ТР Икътисад һәм социаль тикшерүләр үзәге белән берлектә узган киңәшмәдә 2013 елда белем бирү учрежденияләре эшчәнлеген финанслау һчен нормативларны формалаштыру һәм өстәмә белем бирү учрежденияләрен финанс тәэмин итү буенча киңәшмә узды. 2012 елның 1 июленнән сәламәтлек саклау учрежденияләрендә хезмәт хакын яңа систмеа белән түләү буенча да киңәшмә узды.

Хөкүмәт әгъзалары һәм Федераль Җыелыш җитәкчеләре белән очрашуда Владимир Путин 2013-2015 елларда бюджет сәясәте буенча РФ Президентының Бюджет юлламасына кул куюы турында белгерде.

Бүген Минзәлә шәһәрендә Татарстан Республикасы Финанс министрлыгы тарафыннан халыкны кабул итү көне узды. Халык сорауларына ТР финанс министры урынбасары Лариса Борисовна Макарова җавап бирде.

Венчур фондлары белән хезмәттәшлектә тормышка ашырыла торган венчур проектларының санын арттыру ТР ИВФ җитәкчелегенең төп бурычларының берсе булырга тиеш. Бу хакта бүген Татарстан Премьер-министры Илдар Халиков ТР Хөкүмәт Йортында узган “Татарстан Республикасының инвестицион-венчур фонды” ГНО попечительләр советы утырышында белдерде.
Илдар Халиков ТР ИВФ директоры Айнур Әйделдиновның фонд эшчәнлеге турында докладын шәрехләгәндә әлегә активларның бик үк югары булмаган керемле булуын билгеләде. Шул ук вакытта Татарстан Премьер-министры бу күрсәткечнең уңай динамикасына игътибар итте.

2012 нче елның 1 июненә булган мәгълүматлардан күренгәнчә, халыктан торак-коммуналь хезмәтләр өчен түләүләр җыемы 97,2 процентны тәшкил итә. Ел башыннан халыкның ТКХ өчен вакытында түләмәве нәтиҗәсендә бурыч 293 миллион сумга артып, 1 нче июньгә 3 миллиард 365 миллион сумны тәшкил иткән. Бу хакта бүген ТР Министрлар Кабинетында Татарстан Президенты Рөстәм Миңнеханов катнашында узган “Татарстан Республикасында 2011-2012 елгы ягу сезонында ягулык-энергетика һәм торак-коммуналь хуҗалык оешмалары эше нәтиҗәләре һәм 2012-2013 нче елгы ягу сезонына әзерлек буенча бурычлар” темасына утырышта төп доклад белән чыгыш ясаган ТР Төзелеш, архитектура һәм торак-коммуналь хуҗалык министры Ирек Фәйзуллин хәбәр итте.
Министр ассызыклап узганча, торак-коммуналь хезмәтләр өчен халыктан акчалар җыемы күләмен арттыру, бурычларны түләттерү максаты белән, идарә итүче компанияләрнең суд приставлары, бурычларны түләттерү буенча коллектор агентлыклары белән эшен катгыйландыру, әҗәтлеләрне күчерү өчен махсус торак фондны булдыру зарур.