ЯҢАЛЫКЛАР

РФ финанслар министрлыгы акчалата түләүләр буенча Үзәк Банк вәкаләтен чикләү турында тәкъдимнән баш тартырга риза һәм 2014 елның 1 гыйнварыннан аларны закон нигезендә 600 мең белән чикләүгә кайтырга риза, дип хәбәр итте "Прайм" агентлыгына РФ финанслар министры урынбасары Алексей Моисеев.

Иминият ставкалары 30%, тәшкил итүче хезмәт хакының еллык дәрәҗәсенең мөмкин булган күләме 568 мең сумнан 1 млн. сумга кадәр күтәрелүе бизнес өчен йөк булмыячак, дип хәбәр итте РФ финанслар министры Антон Силуанов.

Финанс министрлыгы әлегә федераль юл фондының керми калган керемнәрен каплау чыганаклары турында карар кабул итмәде, ләкин аларны аерым бер салымга бәйләү кирәклеген тапмый, чөнки сүз ставкалар күтәрү турында түгел, ә бюджеттан компенсация алу турында бара, дип хәбәр итте "Прайм" агентлыгына РФ Финанслар министры урынбасары Сергей Шаталов.

РФ Хөкүмәте Финанслар министрлыгына юл фондын формалаштыру чыганаклары мәсьәләсен хәл итеп бетерергә кушкан иде.

РФ Финанс тотрыклылык буенча милли Советны Антон Силуанов җитәклиячәк, дип хәбәр итте Финанслар министрлыгы җитәкчесе урынбасары Алексей Моисеев "Прайм" агентлыгына.

РФ Премьер-министры Дмитрий Медведев 9 июль көнне финанс тотрыклылык буенча Милли Совет барлыкка китерү турында Карарга кул куйды.

Бүген Татарстан Республикасы Хөкүмәт Йортында республика башлыгы Рөстәм Миңнехановның "Технополис"Новая Тура" проектының киләчәге мәсьәләсе буенча FGN Capital компаниясенең директорлар советы рәисе Александр Халдей белән рәсми очрашуы булды.

Очрашуда Технополис территориясенең киләчәк үсеше турында, аерым алганда, дүрт яңа сәүдә павильоны төзү, агропромкомплекс, логистика үзәге һәм ритейл-парк булдыру турында сүз барды.

ТР Президенты Рөстәм Миңнеханов инвесторның "Новая тура"ның киләчәк үсеше буенча планнарын хуплады һәм республика өчен мөһим проектны гамәлгә ашыруда мөмкин булганча ярдәм итәргә әзер икәнлеген белдерде.

Үз чиратында, Александр Халдей республика җитәкчелегенә ярдәм иткәннәре өчен рәхмәт белдерде: «Без республика җитәкчелеге белән кулга кул тотынышып эшлүебезгә бәхетле, алар  инновацион технологияләрне гамәлгә ашыруда ярдәм итәләр һәм регионга яңа, цивилизацияле бизнес-стандартлар килүгә шартлар тудыралар».

Татарстанда 2013 елда бөртекле культуралар уңышы агымдагы фаразлар буенча 2,5 млн тонна тәшкил итәчәк. Бу хакта бүген Россия Федерациясе Премьер-министры Дмитрий Медведев урып-җыю эшләре буенча уздырган селектор киңәшмәсендә Татарстан Республикасы Президенты Р.Н. Миңнеханов белдерде.

Киңәшмәне ачып, Дмитрий Медведев билгеләп үткәнчә, Россиянең көньягында бөртеклеләрне һәм бөртекле-кузаклыларны урып-җыю башланды инде, нәтиҗәләр әлегә үткән елгыга караганда яхшырак. Шул ук вакытта, РФ Премьер-министры сүзләренчә, июнь-июль айларында Россиянең Европа өлешендә аномаль эссе һәм коры көннәр булды, кайбер регионнарда корылык хөкем сөрә. "Кайбер регионнарда бу берничә ел рәттән кабатлана инде, һәм зыяны зур булырга мөмкин", - диде Д.Медведев.

Финанслар министрлыгы тәкъдим итүче чаралар, шул исәптән кредит оешмаларының издержкаларын киметү, эре оешмалар өчен кредит ставкаларын 1-2 елга киметергә мөмкинлек бирәчәк. Бу фикерне РФ Финанслар министрлыгы җитәкчесе урынбасары Алексей Моисеев хәбәр итте.

"Безнең фикер буенча, барлык чараларны тормышка ашырсак, "зәңгәрсу фишкалар өчен" процент ставкаларың иң киме 2 процент пунктына хәтле кимергә мөмкин", - диде ул.

Бүген Татарстан Республикасы Президенты Р.Н. Миңнеханов “Иннополис” проектын гамәлгә ашыру мәсьәләсе буенча киңәшмә уздырды.

Чара Татарстан Республикасы Хөкүмәте Йортында узды, анда Татарстан Республикасы Премьер-министры Илдар Халиков, Татарстан Республикасы Премьер-министры урынбасары – Татарстан Республикасы мәгълүматлаштыру һәм элемтә министры Роман Шәйхетдинов, Татарстан Республикасы төзелеш, архитектура һәм ТКХ министры Ирек Фәйзуллин, Татарстан Республикасы юллар хуҗалыгы һәм транспорт министры Ленар Сафин, Татарстан Республикасы Баш инвестиция-төзелеш идарәсе (ГИСУ), “КазанГипронииавиапром” ЯАҖ, “ПСО Казан” ҖЧҖ вәкилләре һәм башкалар катнашты.

Проект кысаларында башкарылган эшләр турындагы кыска нотык белән Татарстан Республикасы Премьер-министры урынбасары – Татарстан Республикасы мәгълүматлаштыру һәм элемтә министры Роман Шәйхетдинов чыгыш ясады. Ул, аерым алганда, хәбәр иткәнчә, проектның беренче эшләтеп җибәрү комплексы объектлары буенча эшләр алып барыла, эшчәнлек ике блок буенча гамәлгә ашырыла - “Иннополис” махсус икътисадый зонасы һәм “Иннополис” ААҖ.