ЯҢАЛЫКЛАР

Бүген Татарстан депутатлары “Уен бизнесына салым ставкалары турында” ТР законы проектын тулаем кабул итте.

ТР Юстиция министры Мидхәт Корманов, закон проектын тәкъдим итеп, 2011 елның 16 ноябрендә кабул ителгән Федераль закон буенча уен бизнесы өчен салым түләүчеләр исәбеннән аерым эшкуарлар төшереп калдырылган дип хәбәр итте. Моннан тыш, тотализаторның процессинг үзәге, букмекерлык конторасының процессинг үзәге, тотализатор ставкаларын кабул итү пункты, букмекерлык конторасы ставкаларын кабул итү пункты дип аталган яңа салым салу объектлары кертелә.

2012 елның 14 февралендә Татарстан Республикасының кредит рейтингын күзәтү чаралары кысаларында Казан шәһәренә «Moody's Investors Service Ltd» халыгара рейтинг агентлыгы вәкилләре - агентлыкның вице-президенты, баш аналитик Александр Проклов һәм кече аналитик Евгений Хилинский визит белән килде. Әлеге визиның төп максаты - кредит рейтингын яңарту өчен Татарстан Республикасына тулаем күзәтү ясау иде. 

 

12 февраль көнне Казанда чаңгы узышу буенча Россия буенча иң эре ачык  "Россиянең чаңгы сукмагы - 2012" шәһәр этабы узды. Татарстанның башкаласында чаңгы узышы сигезенче тапкыр уздырыла. Казанның барлык районнарында массакүләм чаңгы узышы өчен мәйданнар булдырылды. Татарстан Республикасы финанс министрлыгы һәм Казначылык департаменты хезмәткәрләре узышларда актив катнашты.

 

“Бүгенге көндә, бигрәк тә Бөтендөнья сәүдә оешмасына керү шартларында, иң мөһиме – конкурентлы булу. Республика предприятиеләре сату базарлары табарга тиеш. Энергия һәм ресурслар нәтиҗәлелегенә зур игътибар бирелә, моның белән эре предприятиеләр җитди шөгыльләнә. Калганнар өчен дә энергия һәм ресурслар нәтиҗәлелеге приоритет булып калырга тиеш”. ТР Президенты Рөстәм Миңнеханов Татарстанның глобаль конкурентлыкка сәләтле икътисадын формалаштыруда боларны мөһим шарт дип атады.

Татарстан Республикасы Финанс министрлыгының киңәшмәләр залында республика муниципаль берәмлекләренең финанс-бюджет палатасы вәкилләре белән киңәшмәләр узды. Очрашуда агымдагы елның беренче аенда бюджет үтәлеше буенча туган сораулар тикшерелде.

Газ өлкәсендә өстәмә салым  йөкләнмәләре 2015 елдан алдарак  артырга тиеш түгел, дип фикер йөртә РФ финанс министры урынбасары Сергей Шаталов.

"Безнеңчә, газ өлкәсендә өстәмә керемнәр алу өчен аерем мөмкнилекләр бар. Әлеге тема әле ачык кала", - диде Шаталов, "Россия бизнесы атнасы" кысаларында узган ел саен узучы салым конференөиясендәге чыгышында.

Бюджетның салым керемнәрен арттыру турында сөйләгәндә, әлеге мөмкинлек беренче чиратта газ өлкәсендә кагыла, диде ул. "Чимал өлкәләрендә караганда мондый мөмкинлек газ өлкәсендә бар. Бу бездә бәя күтәрелү, шул исәптән газга эчке бәяләр күтәрелү белән бәйле. Димәк, газ компанияләре өстәмә керем алачак. Бу керемнәр үз тырышылык сәбәбе белән түгел, ә дәүләт дәрәҗәсендә кабул ителгән карарга гына бәйле", - диде финанс министры урынбасары.

Татарстанда 2012 елда капремонт ясалырга тиешле 154 гомуми белем бирү мәктәпләр исемлеге расланган. Бу хакта бүген ТР төзелеш, архитектура һәм торак-коммуналь хуҗалык министры Ирек Фәйзуллин видеоконференция режимында узган Татарстанда “Торак-коммуналь хуҗалыкны реформалаштыруга ярдәм итү фонды” һәм мәгариф объектларын капиталь ремонтлау Законын гамәлгә ашыру мәсьәләләренә багышланган республика киңәшмәсендә белдерде.
Киңәшмәне Татарстан Президенты Рөстәм Миңнеханов үткәрде, анда республика Премьер-министры Илдар Халиков, министрлык һәм ведомство, ТР муниципаль берәмлекләр җитәкчеләре катнашты.

Антон Силуанов: «Күбрәк "юк" дип  җавап кйтарырга туры килә»

Антон Силуанов бюджет сәяәсәтенең констерватив булуы өчен, өстәмә бәяәгә салымны керемгә салым белән алмаштыруга каршы һәм 2008 елга караганды, Россия кризиска яхшырак әзер дип ышана.  

Яңа финанс министры Антон Силуанов финанс министрлыгының стратегиясен алмаштырырга җыенмый: ведомствоның консерватизмы - тотрыксызлык нигезе. Күрәсең, аның алдында булган Алексей Кудрин шикелле, ул да бик популяр булмаган дәүләт хезмәткәре булырга җыена. Авыр карарларны кабул итәргә дә туры киләчәк, аларны халыкка аңлатып бирү зарур, ди Силуанов әфәнде.  Министр вазыйфасында "Ведомости" га биргән беренче әңгәмәсендә Силуанов бюджет чикләүләре һәм ведомство сәясәте турында сөйли.

 

Татарстан Республикасында 2013 елгы Универсида уза торган спорт объектларына һәм мәйданнарына бара торган урыннарда урнашкан күп фатирлы йорт фасадларын һәм түбәләрен тәртипкә китерәчәкләр. Бүген ТР Хөкүмәт йортында киңәшмәдә сүз шул хакта барды. Киңәшмәне Татарстан Президенты Рөстәм Миңнеханов үткәрде.

Казанның тарихи йөзен булдыру һәм саклау өчен Горький исемендәге әдәби-мемориаль музее, Камал музей-йорты, Е.Баратынский музей-йорты, Апанай мәчете янындагы бина һ.б. кебек объектларны ремонтлау һәм төзекләндерү эшләре ниятләнә.

Киңәшмәдә Ирек Фәйзуллин Казанның тарихи үзәгендә төзелә яңа объектлар турында белдерде, ТР Президенты аларны 2012 елда төзеп бетерү бурычын куйды. Шулай итеп, Федосеевская, Тельман, Мәрҗәни, Некрасов һ.б. урамнарда өлешләп төзелә торган объектлар турында мәгълүмат белдерде. Кайбер объектлар рөхсәт документларыннан башка төзелә башлаган һәм проблемалы булып санала. ТР төзелеш, архитектура һәм торак-коммуналь хуҗалык министры сүзләренә караганда, башкала үзәгендә төзелеш кагыйдәләрен бозуның төп сәбәбе әзер документлар булмауда.

Татарстанда тарифлар билгеләгәндә хезмәт күрсәтү оешмаларының чыгымнары нигезлелек ягыннан тикшерелеп кенә раслагана. ТР Тарифлар буенча дәүләт комитеты 2012 елга 45 юнәлештә тарифлар раслаганда оешмалар тәкъдим иткәннән барлыгы 14 млрд. 602 млн. сумны янга калдыра алган, ягъни оешмалар тарифларны шуның кадәр суммага югарырак билгеләүне тәкъдим иткән булган.

Былтыр Тарифлар буенча дәүләт комитеты идарәсе 43 утырыш үткәреп, аның тарафыннан 183 күрсәтмә кабул ителгән, тарифларга кагылышлы 5254 карар, муниципаль берәмлекләр буенча коммуналь хезмәтләр өчен гражданнарның 2841 түләү күләме үзгәреше индексы һәм, шулай ук, республикада торак-коммуналь хезмәтләрнең, гаиләдә ничә кеше яшәве һәм фатирның уңайлылыгына карап, 4 төр пакеты (минималь, уртача, тулы, максималь) буенча 947 муниципаль берәмлек киселешендә торак урын һәм коммуналь хезмәтләргә түләүнең төбәк стандартларының 56820 күрсәткечен расланган.