ЯҢАЛЫКЛАР

Бүген Казанда Росия финанс министрының урынбасары Сергей Шаталов Татарстанның нефть сәнәгате вәкилләре белән нефть тармагына бәйле салымнарга кагылышлы мәсьәләр буенча фикерләрне өйрәнде.

Мәсәлән, нефть тармагы өчен "60-66-90" системасының нәтиҗәләре тикшерелде. Исегезгә төшерәбез, "60-66-90" нефть һәм нефт продуктларына экспорт пошлинасы санауның яңа методикасы РФ Хөкүмәте карары белән узган елның 1 октябреннән гамәлгә керде.  

РФ финанс министры Антон Силуанов нефтькә бәя югары булган очракта 2012 елга федераль бюджетның профицитлы үтәлү мөмкинлеген күздән чыгармый. "Тышкы икътисадый конъюктура шундый ук уңайлы калган очракта, бюджет профициты булырга мөмкин", - диде ул журналистларга. Шул ук вакытта министр булырга мөмкин профицит күләмен әйтмәде.

 

Сентябрь башында Владивосток шәһәрендә Азия-Тын океан икътисади хезмәттәшлеге (АТЭС) илләре лидерлары саммиты узачак. Аның кысаларында планлаштырылган мөһим халыкара чараларның бер өлешен Казан да кабул итә. Шуларның берсе – АТЭС илләре казначылык системасын модернизацияләүгә багышланган семинар бүген “Костон”да ачылды. Чараны Федераль казначылык белән РФ Финанс министрлыгы Бөтендөнья банкы һәм АТЭС секретариаты булышлыгында оештырган. Федераль казначылык җитәкчесе Роман Артюхин рәислегендә узучы семинарда ТР Президенты вазифаларын башкаручы-Премьер-министр Илдар Халиков, Бөтендөнья банкы, Халыкара валюта фонды вәкилләре, АТЭС икътисади хезмәттәшллеге илләре – Малайзия, Тайвань, Вьетнам, Индонезия, Кытай, Таиланд, Сингапур, Бруней, Корея, Чили, Филиппин, Перуның казначылык органнары җитәкчеләре катнаша.

Татарстанда 581 күп фатирлы торак йортта капиталь ремонт буенча эшләр башланган инде. Бу хакта бүген ТР Хөкүмәт йорты видеоконференция режимында узган республика киңәшмәсендә белдерелде.

Татарстан Республикасында “Торак-коммуналь хуҗалыкны реформалаштыруга ярдәм итү фонды турындагы” РФ Законын һәм мәгариф объектларын капиталь ремонтлауны гамәлгә ашыру мәсьәләләренә багышланган чараны Татарстан Республика Президенты Рөстәм Миңнеханов үткәрде.

Торак-коммуналь хуҗалыкның эшчәнлеге - халыкның хакимияткә мөнәсәбәтен билгеләүдә мөһим индикатор. Бөтенроссия җәмәгатьчелек фикерен өйрәнү үзәге сораштырулары нәтиҗәләреннән күренгәнчә, торак-коммуналь өлкәдәге вазгыять халык өчен сәламәтлек саклау, мәгарифтән дә алдарак -һәрвакыт беренче позициядә тора”. Бүген “Корстон”да Татарстанда торак-коммуналь хуҗалыкны реформалаштыру программаларының үтәлеше һәм халыкка күрсәтелә торган хезмәтләрнең сыйфатын күтәрү буенча бурычлар билгеләүгә багышланган республика киңәшмәсендә ТР Президенты Рөстәм Миңнеханов шулай дип белдерде. Президент рәислегендә узган киңәшмәдә ТР Премьер-министры Илдар Халиков, Дәүләт Советы рәисе урынбасары Александр Гусев, РФ Төбәкләр үсеше министрлыгының Торак-коммуналь хуҗалык департаменты директоры вазифаларын башкаручы Владимир Мешков, Торак-коммуналь хуҗалыкны реформалаштыруга ярдәм фонды генераль директорының беренче урынбасары Владимир Талалыкин һ.б. катнашты.