ЯҢАЛЫКЛАР
Дәүләт Думасы 2018 елда федераль бюджетның төп параметрлары үзгәреше һәм тулаем эчке продукт үсешенең 0,5%нан 2,1% кадәр аның профицитын арттыру турында закон проектын беренче укылышта кабул итте.
S&P Global Ratings (S&P) Халыкара рейтинг агентлыгы 2018-2021 елларда Россиянең тулаем эчке продукты үсеше 1,7-1,8% булыр дип исәпли. Бу хакта агентлыкның “Россиянең капиталь кертемнәр программасы компанияләрнең икътисадый үсешенә һәм бурыч түләүгә сәләтлелегенә нинди йогынты ясый ала” хисабыннан билгеле булды.
Бюджет һәм салым буенча Дәүләт Думасы комитеты 2019-2021 елларга федераль бюджет проектына төзәтмәләрне тикшерүне тәмамлаган һәм парламентның түбәнге палатасына аны икенче укылышта кабул итәргә тәкъдим иткән. Документ Думага каралуга 14 ноябрь көнне чыгарылачак.
2018 елның 9 ноябренә 1 млн. 973,8 мең кв. м торак эксплуатациягә тапшырылган, ягъни планның 82,1%ы. Бүген бу хакта Татарстан Республикасы Хөкүмәте Йортында уздырылган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте.
Хөкүмәт тарафыннан планлаштырылган икътисадый чаралар уңышлы гамәлгә куелган очракта Россиянең тулаем эчке продукты үсеше 2021 елда 3% ирешергә мөмкин. Бу хакта Дәүләт Думасында Россия Банкы башлыгы Эльвира Нәбиуллина хәбәр итте.
Moody's халыкара рейтинг агентлыгы дөнья икътисады үсеш темпларының 2017-2018 еллардагы 3,3% карата 2019 һәм 2020 елларда 2,9% кадәр акрынаюын көтә. Бу хакта агентлык күзәтүендә хәбәр ителә.
Бюджет һәм салым буенча Дәүләт Думасы комитеты парламентның түбәнге палатасына бюджет законында үгәрешләр һәм 2019 елда федераль бюджет үтәлеше үзенчәлекләре турында закон проектын беренче укылышта кабул итәргә киңәш итте. Документка башлангычны РФ Хөкүмәте бирде, тиешле төзәтмәләр Бюджет кодексына кертелә. Дәүләт Думасы закон проектын 8 ноябрь көнне карар дип исәпләнә.
Татарстан Республикасында күп фатирлы торак йортларны капиталь ремонтлау программасы кысаларында 2018 елның 1 ноябренә 440 объектта эшләр төгәлләнгән. Дәүләт торак инспекциясе тарафыннан 230 күп фатирлы торак йорт кабул ителгән.
Татарстан Премьер-министры Алексей Песошин җитәкчелегендә бүген ТР Инвестицияләр советы һәм “Чистай” өстенлекле социаль-икътисади үсеш территориясендә эшчәнлек алып баруга гаризаларны карау буенча комиссия “Барс аяк киемнәре компаниясе”нең махсус аяк киемнәре җитештерү заводын төзүгә гаризасын хуплады.
2018 елның 29 октябрендә Татарстан Республикасы Финанс министрлыгында муниципаль район һәм шәһәр берәмлекләренең финанс органнары җитәкчеләре белән 2018 елның гыйнвар-сентябрендә җирле бюджетларның үтәлеш күрсәткечләрен һәм 2018 елның октябрь аенда көтелүче күрсәткечләр мәсьәләләрен тикшерү буенча киңәшмәләр узды.