ЯҢАЛЫКЛАР
Бүген Әлмәт шәһәрендә, "Нефтьче" мәдәният йортында «Татнефть» ГАҖ акционерларының гомуми җыелышы узды. Җыелышта Татарстан Республикасы Президенты Рөстәм Миңнеханов катнашты.
2018 елның 22 июнендә Татарстан Республикасы Финанс министрлыгында видеоконференция режимында муниципалитетлар белән чираттагы киңәшмә узды.
Дәүләт Советының утыз тугызынчы утырышында 2018 елга республика бюджетына һәм Мәҗбүри медицина иминияте фонды бюджетына үзгәрешләр кертү турында ике закон проекты каралды. Алар тулаем кабул ителде.
Бүген депутатлар республиканың аерым категория салым түләүчеләре өчен салым өстенлекләрен саклап калдыру өчен тавыш бирде. Парламент тарафыннан «Оешмалар мөлкәтенә салым турында» Татарстан Республикасы Законының 3 һәм 5 статьяларына үзгәрешләр кертү хакында» һәм “Салым салуның гадиләштерелгән системасын кулланучы салым түләүчеләр өчен дифференциацияләнгән салым ставкаларын билгеләү турында” Татарстан Республикасы Законының 2 статьясына үзгәреш кертү хакында” закон проектлары кабул ителде.
Дәүләт Думасы 2018 елга федераль бюджетның параметрлары үзгәреше (дефицит профицит белән алмашына) турында законны кабул итте.
Бүген Түбән Камада "Түбән Кама нефть химиясе" ГАҖ акционерларының еллык киңәшмәсе узды. Ул 2017 елда предприятиенең финанс-хуҗалык нәтиҗәләренә багышланды. Чарада Татарстан Республикасы Президенты Рөстәм Миңнеханов катнашты.
2018 елда Россиядә инфляция якынча 3%, 2019 елда – якынча 4-4,5% зурлыгында фаразлана. Бу хакта Федерация Советында чыгышы вакытында беренче вице-премьер, РФ финанс министры Антон Силуанов җиткерде.
Россия Финанс министрлыгы 11 июль көнне Дәүләт Думасында 2019 елга һәм 2020-2021 еллар план чорына бюджетның беренче проектировкаларын тәкъдим итәчәк. Бу хакта Дәүләт Думасында чыгышы вакытында беренче вице-премьер, финанс министры Антон Силуанов хәбәр итте.
Еллык чагылышында РФ тулаем эчке продукты үсеше 1,3% тәшкил итте. Бу хакта Дәүләт статистикасы федераль хезмәте хәбәр итте. Бу мәгълүмат идарә тармагы май уртасында игълан иткән бәяләү белән тәңгәл килде.
Татарстан Республикасында мәгариф объектларына капиталь ремонт дәвам итә, болар: гомуми белем оешмалары, балалар өчен мәгариф оешмалары һәм башкалар. 2018 елгы исемлеккә 28 гомуми белем оешмасы кертелгән, шулардан 16 муниципаль мәктәп; 12 коррекцион мәктәп һәм 94 мәктәпкәчә мәгариф оешмасы. Бу хакта бүген Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте.