ЯҢАЛЫКЛАР

Финанслар министрлыгы 2015 елда өстәмә керемнәр булган очракта Резерв фондына урнаштырачак, дип белдерде журналистларга финанслар министры Антон Силуанов.

2015 елның гыйнвар-февраль айларында Федераль бюджетның керемнәре "кабатланмый торган факторларны" исәпкә алып, 10% кимегән.

РФ Финанс "хәвефсезлек мендәре" 2015 елда 2 трлн. сумга кадәр кимергә мөмкин, шуңа күрә мөмкин кадәр тизрәк 2016-2017 елларга РФ бюджетын баланслаштыру буенча чаралар әзерләргә кирәк, дип белдерде РФ финанслар министры Антон Силуанов.

Финанслар министрлыгы яңа төзелешләргә инвестицияләрне кичектереп торырга һәм бөтен игътибарны кертелүче объектларга юнәлдерергә тәкъдим итә. Бу турыда журналистларга ведомство җитәкчесе Антон Силуанов 2015-2017 елларга бюджет проекты тикшерелгән Хөкүмәт утырышыннан соң белдерде.

Пенсия фонды 2015 елда бюджеттан 283 млрд. сум акча алачак. Бу турыда РФ Финанслар министры Антон Силуанов пәнҗешәмбе көнне Хөкүмәт утырышында белдерде.

2015 ел нәтиҗәләре буенча региональ бюджетларның кытлыгы 600 млрд. сум тирәсе булырга мөмкин, дип белдерде РФ финанслар министры Антон Силуанов, Хөкүмәт утырышында пәнҗешәмбе көнне ясаган чыгышы барышында. "Бүгенге шартларда төбәк бюджетлары өстәмә кыенлыклар кичерә, ике ай нәтиҗәләре буенча төбәкләрнең бюджет керемнәре 7%, салым һәм салым бедмаган керемнәре 10% кимегән, шул ук вакытта чыгымнар 2% арткан. Кытлык күләме 200 млрд. суи тирәсендә исәпләнә, ел нәтиҗәләре буенча 600 млрд. сум тирәсе булыр дип уйлыйбыз", - диде уд.

Казан шәһәре җитәкчелеге бюджет акчаларын дөрес һәм нәтиҗәле файдалана белә. Бүген бу хакта Татарстан Республикасы Президенты Рөстәм Миңнеханов Казан шәһәр Думасының 41 нче утырышында хәбәр итте.

Утырышта катнашучыларны сәламләп, Рөстәм Миңнеханов билгеләп үткәнчә, елдан-ел Татарстан амбициоз максатларны гамәлгә ашырырга һәм алдынгы нәтиҗәләргә ирешергә сәләтле регион абруен раслап килә. «Республика элеккегечә үк авыл хуҗалыгы продукциясен җитештерү күләмнәре буенча (3 нче урын), төп капиталга инвестицияләр күләме буенча (5 нче урын) һәм сәнәгать җитештерүе буенча (5 нче урын) Россия лидерлары арасында кала бирә», – диде Татарстан Президенты.

РФ Хөкүмәте яңа салымнар һәм җыемнар кертергә һәм гамәлдәгеләрен арттырырга җыенмый, дип белдерде РФ Премьер-министры Дмитрий Медведев. "Хөкүмәт яңа салымнар һәм җымнар кертергә планлаштырмый, гамәлдә булган салым һәм җыемнар буенча ставкалар да күтәрелмиячәк", - диде Медведев, эшкуарлар белән очрашуны ачкан вакытта.