ЯҢАЛЫКЛАР

Финанс министрлыгы 2013 елда федераль бюджет кытлыгын каплау өчен Резерв фонды акчаларын тотаргы булган хокукы белән кулланмыячак ахрысы, дип хәбәр итте журналистларга министрлык башлыгы Антон Силуанов.

"Минем фикеремчә, юктыр. Бүгенге көндә әлеге чараларны тотарга кирәклек булмау турында ышаныч көннән-көн арта бара", - диде Силуанов.

Бүгенге көндә гамәлдә булган бюджет законы нигезендә, финанс министрлыгы керемнәрне тиешле күләмдә җыеп бетермәгән очракта, Резерв фондыннан чыгымнарны финанслауга 200 миллиард сумга кадәр акчаны алырга мөмкин.

РФ Финанслар министрлыгы дәүләт хезмәте өчен пошлина күләмен үзгәртү буенча тәкъдимнәр әзерли, дип белдерде финанслар министры Антон Силуанов.

"Бүгенге көндә без пошлина күләмен үзгәртү буенча тәкъдимнәр әзерлибез. Шуны да ассызыклап узырга кирәктер, пошлина бездә 2009 елдан бирле индексацияләнмәде", - диде Силуанов әфәнде дәүләт хезмәтен күрсәтүче күп функциональ үзәкләр челтәрен үстерү буенча премьер-министр Дмиртий Медведевта узган селектр киңәшмәсендә.

Бүген Казан (Идел буе) Федераль Университетының Икътисад һәм финанслар Институтында Татарстан Республикасы Финанслар министры Радик Гайзатуллинның лекциясе узды. Әлеге чарада институт студентлары республиканың тупланма бюджетының төп күрсәткечләре, бюджет процессының нечкәлекләре белән танышты. Лекция барышында Радик Гайзатуллин барлык дәрәҗәдәге бюджетларның формалашуы, бюджет үләлеше барышында барлыкка килгән бюджетара мөкәсәбәтләрнең һәм вәкаләтләрнең бүленеше үзенчәлекләре мәсьәләләренә дә кагылып узды.

Россиянең металлурглар компанияләренә бирелүче кредитлар буенча дәүләт гарантияләрен бирү буенча мәсьәлә эшләп бетерүне таләп итә, дип белдерде журналистларга финанслар министры Антон Силуанов.

"Башта аларның нәтиҗәлелеген карарга кирәк. Ләкин икенче яктан караганда, гарантияләр бирү, аларны алга-артка чәчү - башсызлык дибез без гел. Бу саксызлык , чөнки безгә гарантияләр үтәү буенча әледән-әле мөрәҗәгать итәләр. Бу әйбәт күренеш түгел, бу, төптән алганда бюджет чаралары безнең җилкәбезне кую өчен җәлеп ителгәнен аңлата. Гарантияләрне уйламыйча, җиңел бирү бюджет акчасы гарантрияләрне үтәүгә китүенә китерә", - диде Силуанов.

 Urals маркалы нефтькә уртача бәя 2013 елның 11 аенда 2012 елның шушы ук чоры белән чагыштырганда 2,7%, ягъни баррель өчен 107,71 долларга кадәр кимегән.

РФ Финанслар министрлыгы Россия халкы өчен интерактив бюджет стимуляторы эшләп чыгарачак. Аның ярдәмендә кешеләр казнаның керем һәм чыгымнарын үзләренчә билгели алачак. 

Бүген “Татарстан Республикасын социаль-икътисадый үстерүнең төп тенденцияләре турында”гы киңәшмәдә катнашучылар Татарстан икътисадының агымдагы торышы һәм аны үстерү өчен кирәкле адымнар һәм чаралар хакында фикер алыштылар. Татарстан Республикасы Хөкүмәте Йортында узган әлеге киңәшмәне Татарстан Республикасы Президенты Рөстәм Миңнеханов уздырды, шулай ук фикер алышуларда Татарстан Премьер-министры Илдар Халиков, республика Хөкүмәте әгъзалары катнашты.

Киңәшмәне ачып, Татарстан Президенты Рөстәм Миңнеханов бөтендөнья һәм шуның белән бергә республика икътисадының да үсеш темплары акрынаюны билгеләп үтте. "Билгеле бер акрынаю күзәтелә һәм без, агымдагы вәзгыятьтән чыгып, нинди чаралар күрергә кирәклекне аңларга тиеш", - дип белдерде Рөстәм Миңнеханов.

Финанслар министрлыгы 2015 елдан су салымына ставканы 2,3 тапкыр арттырырга тәкъдим итте, шулай ук киләсе елдан су объектлары белән кулланган өчен түләү ставкасы да арттырылачак.

РФ Премьер-министры Дмитрий Медведев вакыты бюджет йөкләнмәләрен арттыручы дәүләт контрактларын төзү тәртибен раслады.  Бу турыда Хөкүмәтнең рәсми сайтында әйтелгән.

Әлеге карар 2013 елның 7 маеннна "Бюджет процессын камилләштерү уңаеннан Россия Федерациясенең Бюджет кодексы һәм аерым закон актларына үзгәрешләр кертү турында" Законны тормышка ашыру кысаларында Финанс министрлыгы тарафыннан эшләп чыгарылган. 

Кипр һәм Люксенбург илләре Россия белән килешүдә каралган салым салу максатыннан мәгълүматларны бирү буенча бурычларын үтәмәсә, РФ Финанслар министрлыгының офшор исемлегенә кертелергә мөмкин, дип белдерде журналистларга РФ Финанслар министры урынбасары Сергей Шаталов.