ЯҢАЛЫКЛАР
РФ Финанслар министрлыгы агымдагы елда да, шулай ук 2014-2015 елларга да федераль бюджетның чыгымнарын арттыру өчен өстәмә мөмкинлекләр күрми, дип белдерде РФ финансла министры Антон Силуанов, Дәүләт Думасында чәршәмбе көнне чыгыш ясау вакытында.
Агымдагы елның бюджетына кертелүче үзгәрешләр икенче төрле бүлеп бирүне генә күздә тотканын искәртте ул. "Без алдагы еллардагы сыман чыгымнарны арттырмыйбыз", - диде ул, шул ук вакытта бу Россия икътисадында күзәтелүче рисклар белән бәйле икәнен дә искәртте.
Россия Федерациясендә 2013 елның 1 июненнән нефтькә экспорт пошлинасы бәясе 19 долларга кимиячәк - шулай итеп ул тонна өчен 359,4 доллар тәшкил итәчәк. Бу турыда Финанслар министрлыгы исәп-хисапларына нигезләнеп "Интерфакс-АФИ" ясаган хисаплар сөйли.
Бүгенге көндә нефтькә экспорт пошлинасы бәясе тоннасы өчен 378,4 доллар тәшкил итә.
Россия Финанслар министры башлыгы Антон Силуанов Россиядә 2013 ел нәтиҗәләре буенча инфляцияне 6% тирәсендә булыр дип фараз ясады.
"Беренче яртыеллыкта инфляция 6%тан артып китсә, без индексация уздырырга тиеш булачакбыз. Беренче яртыеллыкта бу киртә аша узу булмыячак дип уйлыйбыз без. Еллык инфляция 6% кысаларында, яки әз генә ртып булырга мөмкин", - диде силуанов Дәүләт Думасында, депутат сорауларына җавап бирү вактытнда.
Бүген “Алабуга” МИЗ территориясендә Ford Sollers компаниясенең двигательләр заводы төзелешенә старт бирелде. Тантанада ТР Премьер-министры Илдар Халиков, “Соллерс” ҖЧҖ генераль директоры Вадим Швецов, Ford Motor Company башкарма директоры Марк Филдс, Ford Sollers президенты Тед Каннис, Ford Sollers башкарма директоры Адиль Ширинов, ТР Алабуга районы башлыгы Геннадий Емельянов катнашты