ЯҢАЛЫКЛАР

Бүген Хөкүмәт йортында ТР Президенты Рөстәм Миңнеханов рәислегендә “Татнефть” ААҖ Директорлар советының чираттагы утырышы узды. Анда узган 9 айда компания бюджеты үтәлеше тикшерелеп, агымдагы елның ноябренә бюджет расланды.

Утырышта, аерым алганда, 2013-2014 елларга нефть чыгару һәм геологик-техник чараларга кагылышлы планнар хакында мәгълүмат тыңлады. 2013 елда геологик-техник чаралар планын тәэмин итүдә төп күләм яңа скважиналар бораулауга һәм кулланылышка кертүгә туры киләчәк. Ятмаларның нефть бирү сәләтен арттыруның өченчел ысуллары хисабына “кара алтын” чыгаруны гомуми нефть чыгаруның 21 проценты дәрәҗәсендә саклап калу планлаштырыла.

Бүген Яшел Үзән шәһәрендә "2013 елга һәм 2014-2015 елдагы план чорына Татарстан Республикасы бюджеты турында" ТР закон проекты һәм Татарстан Республикасының социаль-икътисадый үсешенең төп күрсәткечләр фаразын тикшерү буенча зональ киңәшмә узды.

Бүген Татарстан Республикасы финанс министрының беренче урынбасары - ТР ФМ Казначылык Департаменты директоры Марат Фәйзрахманов ТР ФМ Казначылык Департаменты территориаль бүлекләренең районара контроль-ревизион бүлекләре җитәкчеләре белән киңәшмә уздырды. Киңәшмәдә 2012 елның 9 ае буенча эшкә йомгак ясалды, 2012 елның 4 кварталына максатлар куелды. 

Россия Федерациясе Финанс министрлыгы 2012 елга Россия Федерациясе бюджеты кытлыксыз булу мөмкинлеген күз алдында тота, дип хәбәр итте Хөкүмәт утырышы нәтиҗәләре буенча оештырылган брифингта журналистларга РФ финанс министры Антон Силуанов.

Бөтендөнья сәүдә оешмасына керү шартларында, РФ икътисадының бер төркем тармакларына һәм юнәлешләренә ярдәм итәргә кирәк, һәм Татарстан федераль үзәккә бу өлкәдә бер төркем дәүләт сәясәте чараларын тәкъдим итәргә әзер.

Бу хакта бүген ТР Премьер-министры Илдар Халиков Самарада үткән “Россиянең Бөтендөнья сәүдә оешмасына керү шартларында төбәкләрдә дәүләтнең социаль-икътисади сәясәтен тормышка ашыру үзенчәлекләре” исемле түгәрәк өстәлдә чыгыш ясаганда, белдерде, дип хәбәр итә ТР Президенты матбугат хезмәте.

Түгәрәк өстәл РФнең Бөтендөнья сәүдә оешмасына һәм Таможня берлегенә катнашу мониторингы буенча Федерация Советының вакытлы комиссиясе утырышы кысаларында үтте. Аның эшендә шулай ук РФ ФСның федератив төзелеш, төбәк сәясәте, җирле үзидарә һәм Төньяк эшләре буенча комитеты рәисе Степан Киричук, РФ төбәкләре хөкүмәтләре вәкилләре, ФС вакытлы комиссиясе вәкилләре катнашты.

Бүген Чаллы шәһәрендә "2013 елга һәм 2014-2015 елдагы план чорына Татарстан Республикасы бюджеты турында" ТР закон проекты һәм Татарстан Республикасының социаль-икътисадый үсешенең төп күрсәткечләр фаразын тикшерү буенча зональ киңәшмә узды.

23 октябрь көнне Чистайда бюджет формалаштыру буенча зональ киңәшмә узды. Әлеге киңәшмәдә 11 муниципаль берәмлек вәкилләре, Татарстан Республикасы министрлык һәм ведомство җитәкчеләре, Татарстан Республикасы Дәүләт Советы депутатлары катнашты.

Бүген ТР Министрлар Кабинетында ТР Премьер-министры Илдар Халиков рәислегендә “Сетевая компания” ААҖ Директорлар советы утырышы үтте. Утырышта компаниянең финанс-хуҗалык эшчәнлеге мәсьәләләре, компаниянең 2012-2013 нче елларның көзге-кышкы чорга әзерлеге турында хисап, 2013 нче ел XXVII Бөтендөнья җәйге универсиадага әзерләнү һәм уздыру чорында Казанны энергия белән тәэмин итү буенча чаралар уздыру мәсьәләсе каралды.

19 октябрьдә Бюджет, салым һәм финанслар буенча комитет утырышында депутатлар ТР икътисад министры Мидхәт Шагиәһмәтов һәм ТР финанс министры Радик Гайзатуллинның чыгышларын тыңлап уздылар.

Татарстан Республикасы Премьер-министры Илдар Халиков бүген Danske Capital Finland Ltd компаниясенең өлкән менеджеры Кристина Варес-Вартиоваара белән очрашты.