ЯҢАЛЫКЛАР

РФ Хөкүмәте Бюджет кодексына үзгәрешләр кертте. Бу турыда Хөкүмзт утырышы барышында РФ Премьер-министры Дмитрий Медведев хәбәр итте. Аның сүзләре буенча әлеге үзгәрешләр дәүләт программаларын формалаштыру, бюджет классификацисен камилләштерү, бюджетны программа форматында төзү һәм кабул итүгә кагыла.

Программалы бюджетка күчүне күздә тотучы үзгәрешләр 2013 елның 1 гыйнварыннан көчкә керә, диде РФ Финанс министры Антон Силуанов.

 

Бүген Татарстан финанс министрлыгында тармаклы министрлыклар вәкилләре белән хезмәт хакын яңа система белән түләү мәсьәләсе турында түгәрәк өстәл узды.

"Казан" милли-мәдәни үзәгендә Татарстан Республикасы муниципаль берәмлекләр Советы Президиумының чираттагы утырышы узды. Әлеге утырышта Татарстан Республикасы финанс министры урынбасары Алла Анфимова һәм Татарстан Республикасы фән һәм мәгариф министрының беренче урынбасары Данил Мостафин ТР муниципаль белем бирү учрежденияләрендә норматив финанслау мәсьәләсе буенча чыгыш ясадылар.  

Бүген Татарстан Республикасы финанс министры Радик Гайзатуллин Казан шәһәре оешмалары һәм шәхси кәсәбәчеләре белән җир кишәрлекләклеренең кадастр бәясе һәм җир салымын тулаем җыю  мәсьәләсе буенча киңәшмә уздырды.

Татарстан Республикасы Финанс министрлыгында Татарстан Республикасы мәдәният министрлыгы һәм ТР Министрлар Кабинеты каршындагы икътисад һәм социаль тикшеренүләр үзәге белән 2013 елның 1 гыйнварыннан мәдәният учрежденияләрен норматив финанслауга күчерү буенча киңәшмә узды.  

Бүген Россия Федерациясе финанс министры урынбасары Андрей Иванов һәм Россия Федерациясенең икътисад үсеше министры урынбасары Олег Савельев "Алабуга"да икътисад зонасы үсеше буенча киңәшмәдә уздырды. Биредә Татарстан Республикасы Президенты Рөстәм Миңнеханов катнашты. 

Татарстан Республкиасы финанс министрлыгы белгечләре Татарстан Республикасы буенча Федераль салым хезмәте идарәсе белгечләре белән берлектә 2013 елның 1 гыйнварыннан Татарстан Республикасы территориясендә салым салуда патент системасына күчү буенча закон проектлары вариантлары өстендә эш алып бара.

Әйләнә-тирә мөһиткә тискәре йогынты өчен түләүне вакытында һәм тулаем җыелу мәсьәләләре буенча Татарстан Республикасы финанс министры урынбасары Данил Волков киңәшмә уздырды.

 

Татарстан Республикасы Финанс министрлыгында 2012 елның гыйнвар-июнь айларында җирле бюджетлар үтәлеше һәм июль аенда көтелүче үтәлеш буенча район һәм шәһәрләрнең финанс органнары белән киңәшмәләр бүген дә дәвам итте.

 

ТР Финанс министры урынбасары Алексей Шишкин министрлык бүлекләре башлыклары белән 2013 елга һәм 2014-2015 елдагы план чорына Татарстан Республикасы тупланма бюджеты проектын әзерләү буенча киңәшмә үткәрде.