ЯҢАЛЫКЛАР

Татарстан Республикасын кайбер юнәлешләр буенча “Хендэ корпорейшн” компаниясе белән хезмәттәшлек кызыксындыра, шул исәптән калдыкларны утильләштерү һәм алар белән эш итү буенча системалы эш өлкәсендә, нефть эшкәртү һәм энергетика өлкәсендә. Бу хакта бүген Татарстан Республикасы Президенты Рөстәм Миңнеханов “Хендэ корпорейшн” компаниясе вәкилләре белән очрашуда хәбәр итте

Бүген Татарстан Республикасы Президенты Рөстәм Миңнеханов Таиланд Корольлегенең Россия Федерациясендәге Гадәттән тыш һәм Тулы вәкаләтле илчесе Итти Дитбанчонг белән очрашты.

Татарстан Республикасы Хөкүмәте Йортында узган бу очрашуда Татарстан Республикасы Президентының тышкы икътисадый эшчәнлек буенча ярдәмчесе Радик Гыйматдинов, республиканың сәнәгать һәм сәүдә министрының беренче урынбасары Руслан Кәбиров һәм башкалар катнашты.

Илчене сәламләп, Рөстәм Миңнеханов Татарстан белән Таиланд арасындагы мөнәсәбәтләрнең үсүен искәрде. 2012 елның июнендә Казан АТЭС саммиты чаралары кысаларында Корольлекнең сәүдә министрын һәм авыл хуҗалыгы һәм кооперация министрын кабул итте. 2013 елның гыйнварында Татарстан Республикасы Президенты  Россия  делегациясе составында Бангкокта Россия-Таиланд икътисадый хезмәттәшлеге буенча хөүмәтара комиссия утырышында катнашты. Шундый ук утырыш Татарстан Республикасы вәкилләре катнашында март аенда Мәскәүдә узды.

Бүген (2013 елның 25-26 августы) Татарстан Республикасы Президенты Рөстәм Миңнеханов эш визиты белән Волгоград өлкәсенә килде.

Волгоград шәһәре аэропортында Рөстәм Миңнехановны Волгоград өлкәсе губернаторы Сергей Боженов, Волгоградской өлкәсе Хөкүмәте вәкилләре, башка рәсми затлар каршы алды.

Ике көнлек визит кысаларында Татарстан Республикасы Президенты Рөстәм Миңнехановның Волгоград өлкәсе җитәкчелеге белән очрашулары, кайбер җитештерү мәйданчыклары белән, шул исәптән “Волжский трубный завод” ААҖ, “Газпром химволокно” ЯАҖ, “Волжская ГЭС” ААҖ белән танышу, Идел ГЭСы территориясендәге балык үрчетү комплексының осетр заводын, башка объектларны карап чыгу планлаштырыла.

Россия Федерациясенең һәр субъектының теге яисә бу өлкәдә билгеле бер уңышлары һәм эшләнмәләре бар һәм Татарстан һәрвакыт хезмәттәшлек өчен ачык, булган тәҗрибәсен башка төбәкләр белән уртаклашырга әзер.  Бу хакта бүген Татарстан Республикасы Президенты Рөстәм Миңнеханов Волгоград өлкәсе губернаторы исеменнән ясалган тантаналы мәҗлестә хәбәр итте. 

Исегезгә төшерәбез, Исегезгә төшерәбез, Рөстәм Миңнеханов Волгоградка ике көнлек  (2013 елның 25-26 августы)эш визиты белән барды.     

Сәламләү сүзендә республика башлыгы билгеләп үткәнчә, ул Волгоградта өченче мәртәбә – ул монда беренче мәртәбә күп еллар элек студент чагында практикада булган, аннары Татарстан Республикасы Премьер-министры сыйфатында килгән.

Бүген Татарстан Республикасы Президенты Рөстәм Миңнеханов Россия Федерациясенең транспорт министры Максим Соколов белән очрашты. Очрашу ТР Хөкүмәт йортында узды, анда шулай ук ТР транспорт һәм юл хуҗалыгы министры Ленар Сафин, ТР Президентының икътисадый мәсьәләләр буенча ярдәмчесе Айрат Хәйруллин катнаштылар. 

Очрашуда катнашучылар Казандагы 2013 елгы Бөтендөнья җәйге Универсиадасының транспорт белән тәэмин ителеше нәтиҗәләрен билгеләделәр. Рөстәм Миңнеханов Россия Федерациясе Транспорт министрылгы һәм шәхсән Максим Соколовка Уеннарны әзерләү һәм уздыруда актив катнашуы өчен рәхмәт белдерде. 

Яклар шулай ук Татарстан Республикасы транспорт комплексы үсешенең берничә перспектив проектлары турында фикер алыштылар.

Татарстан Республикасы Финанс министрлыгында 2013 елның беренче яртыеллыгында эшчәнлек нәтиҗәләрен тикшерү буенча һәм 2013 елда бюджетка көтелгән кертемнәр буенча күрсәткечләр һәм 2014-2016 фаразлар буенча оешмалар белән киңәшмәләр дәвам итә.

Бүген “Газпром” ААҖ идарә рәисе Алексей Миллер Казанга эш визиты белән килде. "Казан" халыкара аэропортында аны Татарстан Республикасы Президенты Рөстәм Миңнеханов, "Газпром трансгаз Казан" ҖЧҖ генераль директоры Рәфкать Кантюков һәм башкалар каршы алды. Исегезгә төшерәбез, Алексей Миллерның Казанга килүенең төп сәбәбе - "Газпром" ААҖнең X җәйге Спартакиадасын ябу тантанасында катнашу.

Шулай ук Татарстанга эш визиты кысаларында “Газпром” ААҖ идарә рәисе Болгар дәүләт тарихи-архитектура музей-тыюлыгына барачак, анда ул Болгар цивилизациясе музеен, Идел буе Богарының исламны кабул итүенә багышланган истәлекле билге, Ак мәчет һәм икмәк музеен карыячак.

ТР Дәүләт Киңәшчесе белән бергә Алексей Миллер "Газпром" ААҖ хәйрия ярдәме белән төзелгән Болгар шәһәренең тарихи музеенда Халыкара археологик тикшеренүләр үзәген ачуда катнашачак.

Гомумән Татарстан мәгариф системасы үсешендә уңай динамика күзәтелә. Бу хакта Татарстан Республикасы Президенты Рөстәм Миңнеханов мәгариф хезмәткәрләренең традицион август педагогика киңәшмәсендә белдерде.

Быел киңәшмәне уздыру урыны итеп Арча шәһәре сайланды.

Чараны ачып, Рөстәм Миңнеханов хәбәр иткәнчә, киңәшмә эшендә республика хакимият органнары вәкилләре, министрлык һәм ведомстволар вәкилләре, муниципаль берәмлекләр башлыклары, эре предприятиеләр вәкилләре, фәнни һәм педагогик җәмәгатьчелек, массакүләм мәгълүмат чаралары вәкилләре катнаша.

Утырыш on-line режимда интернет челтәрендә трансляцияләнә.

Татарстан Республикасы Финанслар министрлыгында 2013 елның 21 августында республиканың энергетика тармагы предприятиеләре һәм "Нәфис" компанияләр төркеме белән 2012-2013 елларда 1 яртыеллыкта эшчәнлек нәтиҗәләрен тикшерү, 2013 елда көтелүче күрсәткечләр һәм 2014-2016 елларга фаразлар тикшерелде. Киңәшмәләрдә шулай ук ТР Икътисад министрлыгы, ТР Сәнәгать һәм сәүдә министрлыгы, Тарифлар буенча ТР Дәүләт Комитеты, РФ ТР буенча Федераль салым хезмәте Идарәсе белгечләре дә катнашты.

Татарстан Республикасы Финанслар министрлыгында 2014 елга бюджет формалаштыру кысаларында муниципаль район һәм шәһәр берәмлекләренең финанс органнары вәкилләре белән киңәшмәләр дәвам итә. Бүген Татарстан Республикасы Финанслар министры урынбасары Юлия Абдреева һәм Алла Анфимовада җирле бюджетларның чыгым өлешләре тикшерелә.