ЯҢАЛЫКЛАР

"Зур егермелек" илләре дәүләт әҗәте дәрәҗәсе һәм бюджет кытлыгын алдагы вакытта киметү турында карар кабул итте, дпи хәбәр итте бүген РФ Финанслар минситры Антон Силуанов, саммит эшчәнлегенең беренче көненә нәтиҗәләр ясап. Аның сүзләре буенча, G20 лидерлары бу фикергә алда уйланганча фискаль тупланма икътисад үсешен стимуллаштыруга берничек тә комачауламый икәне булән бәйле.  

Татарстан Республикасы Финанслар минситры урынбасары Юлия Абдреева Татарстан Республикасы муниципаль берәмлекләренең финанс органнары җитәкчеләре һәм белгечләре белән видеоконференция режимында киңәшмә уздырды.

Бүген Татарстан Республикасы Президенты Р.Н. Миңнеханов Төркия Республикасы Икътисад министры Зафер Чаглаян белән очрашты. Очрашу бүген ачылучы Татарстан-Төркия эшлекле форумы кысаларында узды, анда шулай ук Татарстан Республикасы вице-премьеры – сәнәгать һәм сәүдә министры Равиль Зарипов, Татарстан Республикасы Президентының тышкы икътисадый эшчәнлек буенча ярдәмчесе Радик Гыйматдинов катнашты.

Очрашуны ачып, Татарстан Президенты Рөстәм Миңнеханов билгеләп үткәнчә, соңгы елларда Казанга Төркия Республикасы Президенты һәм Премьер-министры визитыннан, Татарстан Республикасында Россия-Төркия хөкүмәтара комиссиясен уздырганнан, ике ел эчендә сигез мәртәбә Татарстан-Төркия форумыннан соң Татарстан белән Төркия арасындагы мөнәсәбәтләр яңа дәрәҗәгә күтәрелде. "Һәм монда Сезнең шәхси өлешегез аеруча зур, - дип мөрәҗәгать итте Зафер Чаглаянга Рөстәм Миңнеханов. – Сез Төркия бизнес әһелләре базарлар эзләрлек, чит илләрдә уртак предприятиеләр булдырырлык мохит тудырдыгыз".

Татарстан белән Төркия Республикасы арасындагы сәүдә-икътисадый мөнәсәбәтләр бүген югары дәрәҗәдә, әмма якларга әле хезмәттәшлекнең олы потенциалын кулланырга кирәк. Бүген Татарстан Республикасы Президенты Рөстәм Миңнеханов бу фикерне Казанда Татарстан-Төркия эшлекле форумын ачу тантанасында чыгыш ясаганда әйтте. Форум эшендә шулай ук Төркия Республикасы Икътисад министры Зафер Чаглаян да катнашты.

Форумда 85 Төркия һәм 170 Татарстан компаниясе вәкилләре катнаша – асылда бу автокомпонентлар җитештерүче компанияләр, агач эшкәртү сәнәгате предприятиеләре, төзелеш фирмалары һәм башкалар. 

Форумны ачып, Татарстан Республикасы Президенты Р.Н. Миңнеханов анда катнашучыларны сәламләде. “Төркия эшлекле даирәләре белән очрашулар уздыру яхшы гадәткә һәм тугандаш халыклар белән дустанә мөнәсәбәтләр дәлиленә әверелде, дип белдерде Рөстәм Миңнеханов. – Россия һәм Төркия җитәкчелеге бүген төрле тармакларда хезмәттәшлек үсешенә зур игътибар бирә һәм бу беренче чиратта икътисадта”. 

Ул билгеләп үткәнчә, Төркия – Татарстанның әйдәүче чит ил сәүдә-икътисадый партнерларының берсе. Төркия белән Татарстан арасында 2012 елда товар әйләнеше 930 млн доллар тәшкил иткән, Татарстанга Төркия инвестицияләре күләме – 1,5 млрд доллардан артык. Төркия уртак предприятиеләр саны буенча Татарстанда беренче урынны алып тора – 278 предприятие теркәлгән. “Алабуга” МИЗ резидентлары – Төркиянең эре компанияләре.

Бүген Казанда Татарстанның “Нефть, газ, химия” форумы үз эшен башлады. Быел ул әһәмиятле вакыйгага – республиканың нефть ятмаларын үзләштерә башлауга 70 ел тулуга багышлана, дип ассызылады Рөстәм Миңнеханов, форумны ачу тантанасында чыгыш ясаганда.

Аның сүзләренчә, республикада нефть фәне һәм технологияләр бик җитди тәкъдим ителгән, һәм Татарстан нефтьчеләре Россиянең башка төбәкләреннән һәм чит илләрдән коллегалары белән тәҗрибә уртаклашу белән кызыксына.

ТР Президенты күргәзмәдә экспонатлары, проектлары яки техник эшләнмәләре тәкъдим ителгән һәм Гран-прига лаек булган компанияләр җитәкчеләренә дипломнар тапшырды. Төрле номинацияләрдә күргәзмәнең югары бүләкләренә «Нижнекамскнефтехим», «Татнефть» (2 номинациядә), «Газпром Трансгаз Казань», «РИТЭК» һ.б. компанияләре лаек булды.

Казан күргәзмәсе Россиянең нефть, газ тармагының аерылгысыз өлешенә әйләнде, дип белдерде үз чыгышында РФ Нефть, газ сәнәгатьчеләре берлеге президенты Геннадий Шмаль. Аның сүзлрәенчә, Татарстан нефтьчеләре яңа эшләнмәләр кертү буенча лидер булып торалар.

Газ-мотор ягулыгын куллануны арттыру өчен тиешле инфраструктура, шулай ук газга күчү файдалы булганнарга билгеле бер шартлар тудырылырга тиеш, дип саный Рөстәм Миңнеханов. Ул искә төшергәнчә, Татарстан автотранспорт чараларын газ-мотор ягулыгына күчерү буенча сынау төбәкләре арасына кертелгән иде. Бу тема безнең төбәк һәм тулаем ил өчен гаять актуаль, диде Рөстәм Миңнеханов, һәм без әлеге проектны һәрьяклап хуплаячакбыз. Аның сүзләренчә, бу җәһәттән “КАМАЗ” шактый алда бара, ул Татарстан Республикасында газ-мотор ягулыгын куллануны арттыру чараларын әзерләүдә катнаша.
Газ-мотор ягулыгын куллану зур шәһәрләр өчен аеруча актуаль, бу газның экологик өлкәдәге өстенлегеннән файдаланырга ярдәм итәчәк, әйләнә-тирә мохитка йөкләнешне киметәчәк, ил эчендә газ куллануны тәэмин итәчәк, диде Рөстәм Миңнеханов.
Ул шулай ук искә төшергәнчә, быел июнь аенда мотор ягулыгы буларак табигать газын куллануны арттыру турында “Газпром” ААҖ, Татарстан Республикасы һәм “Газпром газ-мотор ягулыгы” ҖЧҖ арасында килешүгә имза салынды.
Бу проект барыбыз өчен дә файдалы, диде Рөстәм Миңнеханов, һәм мин “Газпром” ААҖ җитәкчелегенә рәхмәт белдерәм, безнең төбәк сынау төбәге булды, бүген эшне төрле юнәлешләрдә алып барырга кирәк.

Кадерле дуслар! Укучыларны һәм студентларны, ата-аналарны, педагогларны һәм тәрбиячеләрне, Татарстан мәгариф системасының барлык хезмәткәрләрен чын күңелдән Белем көне һәм яңа уку елы башлану белән чын күңелдән тәбрик итәм!
1 сентябрь көнне без һәр елны беренче кыңгырауны, тугрылыклы классташ дусларыбызны, зирәк һәм кайгыртучан укытучыларыбызны һәм остазларыбызны искә алып дулкынланабыз. Белем көне – ул һәркемнең күңел түрендәге, шул ук вакытта барыбызны да берләштерүче, гомумкешелек кыйммәтләренә ия бәйрәм.
Бүген меңнәрчә яшь татарстанлылар өчен заманча, яңа техника белән җиһазландырылган уку йортлары ишекләрен ачты, алар балаларны чиксез белемнәр дөньясына һәм иҗади ачышларга алып керә. Өлкән буын балалары һәм оныклары алдында шундый зур мөмкинлекләр ачылуга шатлана.

Хөрмәтле татарстанлылар!

Республика Көне дәүләтчелегебезне торгызуның хәзерге этабын ачык чагылдыра, Татарстанның икътисадта һәм социаль өлкәдә ирешкән зур казанышларын, иҗтимагый үсештәге үзгәрешләрен, халкыбыз тормышының яңа дәрәҗәсен һәм яшәү рәвешен күрсәтә.

Күптән түгел Казанда узган XXVII Бөтендөнья җәйге универсиадасы уңышлары республикабызның төп бәйрәменә быел үзенчәлекле төсмер бирә. Универсиада тәҗрибәсен һәм аның күпкырлы мирасын республикада гомумроссия һәм халыкара колачлы яңа проектларны гамәлгә ашыруда файдаланырга мөмкин һәм шулай эшләргә кирәк тә.

Бүген Татарстан Республикасы Президенты Рөстәм Миңнеханов “Татнефтехиминвест-холдинг” ААҖ  Директорлар советының чираттгы утырышын уздырды.   
Утырыш Татарстан Республикасы Хөкүмәте Йортында уздырылды, Директорлар советы әгъзалары көн тәртибендәге өч мәсьәләне карадылар.  
Аерым алганда, “СибНАЦ” ААҖ  (Төмән) ТЭК анализы департаменты  директоры Лариса Нечипорук 2013 – 2030 еллар чорына “Ямал – Идел буе” проектын гамәлгә ашыру өчен чимал базасын нигезләү буенча нотык белән чыгыш ясады.  
Исегезгә төшерәбез, 2012 елның сентябрендә Татарстан, Башкортостан һәм Ямал-Ненец автономияле округы (ЯНАО) башлыклары һәм Россия Федерациясе Энергетика министрлыгының кайбер белгечләре “Ямал – Идел буе” продукт үткәргечен төзү проекты инициаторлары булдылар, әмма проектны реализацияләү кирәкле чимал запаслары булмау һәм техник каршылыклар аркасында кыенлашырга мөмкин. 

Бүген "Татнефть" ААҖ Директорлар советы чираттагы утырышын Татарстан Республикасы Президенты Рөстәм Миңнеханов уздырды.

Утырыш Татарстан Республикасы Хөкүмәте Йортында узды, анда 2013 елның җиде ае эчендә "Татнефть" ААҖ бюджеты үтәлеше каралды һәм агымдагы елның сентябренә бюджет расланды, "Татнефть" ААҖнең 2013 елның беренче яртыеллыгында финанс-хуҗалык эшчәнлеге йомгаклары буенча фикер алышынды.

Хисап чорында компания ятмаларында 12,932 млн тонна нефть чыгарылган, планнан тыш 335 мең тонна нефть. Юлдаш нефть газын чыгару 426 млн куб. м тәшкил иткән, бу үткән елның шул ук чорынна 2,8 процентка артып китә.

127 яңа скважина файдалануга тапшырылган, аларда 85 мең. Тонна нефть чыгарыла. Татарстан Республикасыннан читтә лицензияләнгән кишәрлекләрдә 158,4 мең тонна нефть чыгарылган, 15 скважина борауланган.