ЯҢАЛЫКЛАР
РФдә нефтькә экспорт пошлинасы, Финанс министрлыгы исәп-хисаплары буенча, 2018 елның 1 октябреннән $7,5га күтәреләчәк һәм тонна өчен $137,5 тәшкил итәчәк. Хәзерге вакытта нефтькә экспорт пошлинасы тонна өчен $130 тәшкил итә. Бу хакта Финанс министрлыгы сайтындагы материалларда әйтелә.
Татарстанның 2019 елга берләштерелгән бюджетына салым һәм салым булмаган керемнәренең гомуми күләме 251,2 млрд. сум булыр дип көтелә. Бу хакта 2019-2024 елларга Татарстан Республикасын социаль-икътисадый үстерү фаразы параметрлары, 2019 елга, 2020 һәм 2021 еллар план чорына Татарстан Республикасы берләштерелгән бюджеты фаразы буенча бүген Татарстан Республикасы Хөкүмәте Йортында узган Татарстан Республикасы Министрлар Кабинеты утырышында ТР финанслар министры Радик Гайзатуллин хәбәр итте.
Халыкара валюта фонды 2018 һәм 2019 елларга Россиянең тулаем эчке продукты үсеше фаразын апрель дәрәҗәсендә саклап калды. Бу хакта Мәскәү белән консультацияләр йомгаклары буенча фондның хәбәрендә әйтелә.
Бүген Дәүләт Советының Бюджет, салымнар һәм финанс комитеты утырышы узды. Ул бу елның беренче яртыеллыгында республиканың бюджеты үтәлеше параметрларын тикшерүгә багышланды.
2018 елның гыйнвар-августында федераль бюджет тулаем эчке продуктның 3,1% профициты яисә 1,962 трлн сум белән үтәлгән. Бу хакта Россия Финанс министрлыгы материалларында әйтелә.
Кече һәм урта эшмәкәрлек өчен старттагы салым салуның льготалы режимыннан гомуми режимга акрынлап күчү механизмы Икътисадый үсеш министрлыгы һәм Финанс министрлыгы тарафыннан эшләнә. Бу хакта Икътисадый үсеш министрлыгы башлыгы Максим Орешкин Көнчыгыш икътисадый форумында җиткерде.
РФ Икътисадый үсеш министры Максим Орешкин агымдагы елның III-IV кварталларында Россиянең тулаем эчке продукт үсеше 1,9%тан артып китә алуында шикләнә. Бу хакта ул Көнчыгыш икътисадый форум кулуарларында җиткерде.
РФ Хөкүмәте Дәүләт Думасына бюджет барышы кысаларында салым льготаларын бәяләү турында закон проектын керткән. Бу хакта парламентның түбәнге палатасының мәгълүмат базасыннан билгеле булды.
Россия Финанс министрлыгы 2018 ел йомгаклары буенча дәүләттә инфляция 3,5% дәрәҗәсеннән арту мөмкинлеген таный, ләкин мондый куркынычны бик югары дип санамый. Бу хакта РФ финанс министры урынбасары Владимир Колычев хәбәр итте.
Рубльнең агымдагы үзгәреше вакытлы характерда һәм капиталның бөтендөнья хәрәкәтенә бәйле. Бу хакта Россия финанс министры урынбасары Владимир Колычев хәбәр итте.