ЯҢАЛЫКЛАР
2018 елда РФ тулаем эчке продукты үсеше темпларының тизләнешенә бер тапкыр була торган факторлар шарт булып тора һәм алар тотрыклы түгел. Бу хакта Икътисадый үсеш министрлыгының “Икътисад картинасы. 2019 елның гыйнвары” күзәтүендә әйтелә.
Россиядә илкүләм проектларга чыгымнар 2019 елдан алып 2024 елга кадәр 25,7 триллион сум тәшкил итәчәк. Бу хакта Хөкүмәт сайтында бастырылган мәгълүматтан билгеле булды.
Татарстан Республикасында 2019 елның 8 февраленә 261,9 мең кв. м. торак файдалануга тапшырылган, бу планның 9,8 %ы. Бүген бу хакта Татарстан Республикасы Хөкүмәте йортында узган республика киңәшмәсендә Татарстан Республикасы Төзелеш, архитектура һәм ТКХ министры Ирек Фәйзуллин хәбәр итте.
2019 елның 9 феврале көнне Татарстан Респбликасы Финанс министрлыгы хезмәткәрләре ел да уздырыла торган "Россия чаңгы юлы" Бөтенроссия массакүләм чаңгы ярышында катнашты.
Россия Финанс министрлыгы Президент Владимир Путинның май указын гамәлгә кую буенча проектларга хосусыйдан алдан бирелгән гаризаларны формалаштырган. Финанс министры урынбасары Андрей Иванов хәбәр итүенчә, гаризаларның портфеле күләме 60 трлн сум диярлек булыр дип бәяләнә.
Рубльнең реаль нәтиҗәле курсы (инфляцияне исәпкә алып РФ төп сәүдә партнерлары валюталарына) 2018 елның декабренә карата 2019 елның гыйнварында 0,5%ка артты. Бу хакта РФ Үзәк Банкы материалларында әйтелә.
Россия Банкы 2019 елда Россия тулаем эчке продукты үсеше темпы фаразын 1,2-1,7% дәрәҗәсендә саклап калган. Бу хакта РФ Үзәк Банкының директорлар советы утырышы йомгаклары буенча пресс-релизда әйтелә.
Бүген Татарстан Республикасы Хөкүмәте йортында Татарстанның кече нефть компанияләре җитәкчеләре белән традицион киңәшмә узды. Утырышны Татарстан Республикасы Президенты Рөстәм Миңнеханов алып барды. Чарада Федераль экологик, технологик һәм атом күзәтчелеге хезмәте (Ростехнадзор) Җитәкчесе Алексей Алешин да катнашты.
Илкүләм проектларның бурычы – Россия алгарышында алга киткән үсеш тәэмин итү. Алар Россия бизнесы өчен стимулга әйләнергә тиеш. Бу хакта РФ Президенты Владимир Путин җиткерде.
2019 елның 5 февралендә Татарстан Республикасы финанс министры Р.Р. Гайзатуллин Татарстан Республикасы территориясендә алкоголь продукциясен эре җитештерүче – «Татспиртпром» АҖ компаниясе белән очрашу уздырды. Чарада җитештерү күрсәткечләре, Татарстан Республикасы тупланма бюджетына түләнгән акцизлар, шулай ук 2018 елның йомгаклары буенча һәм 2019 елга тәгаенләнгән фараз буенча көтелгән финанс-хуҗалык эшчәнлеге күрсәткечләре каралды.