ЯҢАЛЫКЛАР
2025 елның 1 ноябренә салымнар буенча бурыч 12 688,1 млн.сум тәшкил иткән. Узган елның шул ук чоры белән чагыштырганда бурыч 902,8 млн.сумга яки 8% ка арткан.
Агымдагы елның 1 ноябренә Татарстан Республикасының дәүләт бурычы күләме 98 931,1 млн.сум тәшкил иткән (шул исәптән федераль бюджет кредитлары буенча йөкләмәләр – 90 416,7 млн. сум һәм Татарстан Республикасы дәүләт гарантияләре буенча йөкләмәләр – 8 514,4 млн. сум).
2025 елның 1 октябре белән чагыштырганда әлеге күрсәткеч (259,0 млн.сумга) кимегән.
Яшь буын вәкилләре арасында туган телне һәм милли мәдәниятне популярлаштыруга юнәлдерелгән чараларны уздыруга Татарстан Республикасы бюджетыннан 5,1 млн. сум күләмендә чаралар юнәлтелде.
Татарстан Республикасы бюджетына су мөнәсәбәтләре өлкәсендә Россия Федерациясенең аерым вәкаләтләрен гамәлгә ашыруга федераль бюджеттан 103,8 млн. сум күләмендә субвенцияләр килеп иреште.
2025 елга Татарстан Республикасы бюджетында авыл торак пунктларына, я эшчеләр поселокларына, я шәһәр тибындагы поселокларга, я халкы 50 меңгә кадәр булган шәһәрләргә эшкә килгән медицина хезмәткәрләренә бер мәртәбә бирелә торган компенсация түләүләренә 143,8 млн.сум каралган, шул исәптән федераль бюджет акчалары исәбеннән – 83,4 (58%), Татарстан Республикасы бюджетыннан – 60,4 млн. сум (42%). 93 табиб һәм 39 урта медицина хезмәткәрен җәлеп итү планлаштырыла.
Республикада алгарышлы үсеш территорияләре резидентларының әлеге территорияләрне үстерү кысаларында төзелгән килешү шартларын үтәвен тикшереп тору эше оештырылган.
Россия Федерациясендә, федераль бюджет чараларын җәлеп итеп, халыкны эш белән тәэмин итү үзәкләренең нәтиҗәлелеген арттыру һәм бердәм стандартларга туры китерү максатларында аларны модернизацияләү буенча чаралар гамәлгә ашырыла.
Татарстан Республикасы Сәламәтлек саклау учреждениеләре өчен җиде күчмә мобиль медицина комплексын сатып алу һәм файдалануга тапшыру белән бәйле рәвештә аларны эксплуатацияләүгә һәм аларга хезмәт күрсәтүгә чаралар бүлеп бирү турында карар кабул ителде.
2025 елның 29 ноябрендә Финанс грамоталылыгы һәм эшкуарлык буенча Бөтенроссия чемпионатының Финанс грамоталылыгы буенча федераль кубогы узачак. Гаризаларны casegames.ru/cup платформасында бирергә мөмкин.
2025 елда Татарстан Республикасында «Экологик иминлек» илкүләм проекты кысаларында чаралар гамәлгә ашырыла.