ЯҢАЛЫКЛАР

Россиянең Тулай төбәк проекты агымдагы елның икенче яртысында елга 2% арта башларга мөмкин. Бу турыда Россия Федерациясе икътисади үсеш министры Максим Орешкин белдерде.

Татарстан Республикасы Президенты Р.Н. Миңнехановның Яңа ел мөрәҗәгате

Кадерле татарстанлылар!

Һәр кеше өчен Яңа ел үзенчәлекле бәйрәм. Аны игелек һәм җылылык атмосферасы урый, бәйрәм өметләр һәм ышанычлар белән бәйле. Бу вакытта без нәтиҗәләр ясап, киләчәккә планнар корабыз.

Бүген Татарстан Президенты Рөстәм Миңнеханов Дубайда Берләшкән Гарәп Әмирлекләренә эш визиты кысаларында Дубайда эшлекле даирәләр вәкилләре белән очрашты.

Бүген Түбән Камада “Татэнерго” АҖнең быелгы елда соңгы Директорлар советы утырышы узды. Бу чара ТР Премьер-министры Илдар Халиков рәислегендә үтте. Анда шулай ук Түбән Кама муниципаль районы башлыгы Айдар Метшин катнашты.

Утырыш барышында Директорлар советы вәкилләре 2016 елда “Татэнерго” АҖнең финанс-икътисади эшчәнлеге нәтиҗәләрен карадылар һәм киләсе елга бюджет һәм чаралар турында җентекләп фикер алыштылар.

2016 ел нәтиҗәләре буенча компания станцияләре тарафыннан җитештерелгән электр энергиясе 12196 млн. кВтч тәшкил итә, 2015 елга караганда аз гына (3ка) кимрәк, киләсе елга план шулай ук 11362 млн. кВтч га киметелгән. Җылылык энергиясен сату 2015 елга караганда аз гына күбрәк, 10593 мең Гкал тәшкил итә. Компаниянең сатудан көтелгән табышы узган елга караганда аз гына кимрәк – 2,7 млрд. сум.

2016 елда Татарстан халкы 43 парк һәм 21 яр буена ия булды. Бу хакта бүген ТР Министрлар Кабинетында узган брифингта Наталия Фишман хәбәр итте.

Бүген Әлмәттә көннең икенче яртысында "Татнефть" ГАҖ Директорлар советының чираттагы утырышы узды. 

Утырышны Татарстан Республикасы Президенты, "Татнефть" ГАҖ Директорлар советы рәисе Рөстәм Миңнеханов үткәрде. 

Директорлар советы 2016 елның унбер аенда бюджет үтәлеше һәм 2017 ел гыйнварына һәм беренче кварталына бюджетны раслады. 

Шулай ук төзелеш һәм скважиналарны төзекләндерү өлкәләрендә яңа алымнар турында мәгълүмат тыңланды.

2015 елдан компаниядә скважиналарны төзекләндерү һәм катламнарның нефть бирүе дәрәҗәсен арттыру өлкәсендә сервис хезмәт күрсәтүләрен сатып алуда нәтиҗәлекне арттыру стратегиясе гамәлгә ашырыла, аңардан икътисадый табыш 1 млрд. сумнан артты. Яңа технологияләрне куллану һәм скважиналар эше нәтиҗәлелеген арттыруда техник алымнарны гамәлгә кертү эше алып барыла. Әлеге юнәлештә яңа технологияләрне эзләү өчен Геология-техник чаралар үзәге булдырылды. 

Бүген Казанның "Корстон" комплексында узып баручы 2016 елның иң яхшы җитәкчеләре бүләкләнде. "Ел җитәкчесе-2016" тантанасында Татарстан Президенты Рөстәм Миңнеханов, Татарстанның Дәүләт Киңәшчесе Минтимер Шәймиев, Татарстан Дәүләт Советы Рәисе Фәрит Мөхәммәтшин, министрлык һәм ведомство җитәкчеләре, муниципаль район башлыклары катнашты.

Татарстан Республикасының 2016 елга булган бюджетына үзгәрешләр кертелү хакында мәгълүм булды. Бу хакта бүген Татарстан Дәүләт Советы депутатларының 24 нче утырышы барышында республиканың финанс министры Радик Гайзатуллин хәбәр итте һәм моңа бәйле закон проекты кабул ителде. Аның сүзләренә караганда, 2016 елда бюджет кертемнәре 14 миллиард 565 миллион сумга, чыгымнары 14 миллиард 314 миллион сумга арта. Бюджет кытлыгы исә 251 миллион сумга кими һәм 7 миллиард 347 миллион сум тәшкил итә.

Министр сүзләренә караганда, кертемнәрнең 13 миллиард сумнан артыгы салым һәм салым булмаган кертемнәр. Табыш алудан кергән салым керемнәре, мисал өчен, 5 миллиард сумнан артык, алкоголь продукциясен сату буенча акцизлар кереме шулай ук 5 миллиард сумнан артып китә.

Татарстан Республикасында 2016 елда модуль ветеринар пунктлары, полиция участок вәкилләре өчен модуль-блоклы административ-торак комплекслар төзелеше, машина-трактор паркларын капиталь ремонтлау программалары тәмамланды. 

Бу хакта ТР Хөкүмәте Йортындагы республика киңәшмәсендә ТР төзелеш, архитектура һәм ТКХ министры Ирек Фәйзуллин хәбәр итте. 

Киңәшмәне республиканың бөтен муниципаль районнары белән видеоконференцэлемтә режимында Татарстан Республикасы Президенты Рөстәм Миңнеханов уздырды. 

Ирек Фәйзуллин хәбәр иткәнчә, 2017 елда яңа программаларны гамәлгә ашыру планлаштырыла - коммерцияле булмаган бакчачылык берләшмәләре инфраструктурасын үстерү, муниципаль берәмлекләрнең башкарма комитетлары биналарын төзү, су һәм инженер челтәрләре системасын яңарту, муниципаль архивларны төзекләндерү. Моннан тыш, спорт мәйданчыкларын төзү программасы блоклы модульле чаңгы базаларын төзү белән тулыландырылды. 

2017 елда күчемсез милекне дәүләт теркәве турындагы федераль закон үз көченә керә. Аны тормышка ашыру өчен яңа исәп-теркәү системасы эшли башлый. Бу хакта бүген Татарстан Республикасы Росреестры идарәсе коллегиясе утырышында ведомство җитәкчесе – республиканың баш дәүләт регистраторы Азат Җаббаров җиткерде.

Докладчы системада дәүләт кадастр исәбе һәм хокук дәүләт теркәве мәгълүматлары базасын берләштерүнең күздә тотылуын әйтеп узды.

«Гражданнар һәм оешмалар өчен объектларны исәпкә алу һәм аңа хокукны теркәүнең хәзер бер урында - күчемсез милекне дәүләт теркәвендә булуы мөһим булачак. Шуның белән бергә күчемсез милекне теркәү гамәлләре азрак булачак һәм теркәү сорклары кыскарачак», – дип билгеләп үтте ул.