ЯҢАЛЫКЛАР


27
гыйнвар, 2015 ел
сишәмбе

Соңгы елларда Татарстан мәдәнияты югары темплар белән үсте, ләкин бүген яңа зур бурычлар куярга кирәк. Бу хакта Татарстан Республикасы Президенты Рөстәм Миңнеханов бүген яңа гына төзекләндерелгән Качалов исемендәге Казан академия зур драма театры бинасында беренче мәртәбә узган республиканың Мәдәният министрлыгының нәтиҗәләр чыгару коллегиясендә белдерде.


26
гыйнвар, 2015 ел
дүшәмбе

Бүген Татарстан Республикасы Президенты Рөстәм Миңнеханов 2015 елгы Су спорт төрләре буенча дөнья чемпионатының республика оештыру комитеты утырышын уздырды. Утырышта шулай ук Татарстан Республикасы Премьер-министры Илдар Халиков, республика министрлыклары һәм ведомстволары җитәкчеләре катнашты.

Утырышны ачып, Татарстан Президенты искәрткәнчә, дөнья чемпионаты башланганчы 178 көн калды. «Дөнья чемпионатының ярышу һәм күнекмәләр өчен бөтен объектлары да билгеләнде, һәм алар бөтенесе дә 10 июльгә хәтле әзер булырга тиеш», - дип белдерде Рөстәм Миңнеханов.


24
гыйнвар, 2015 ел
шимбә
Бүген Татарстан Премьер-министры Илдар Халиков Россия алкоголь базарын җайга салу федераль хезмәтенең Идел буе федераль округы буенча төбәкара идарәсе башлыгы Геннадий Одинцов белән очрашты.
ТР Хөкүмәте йортында узган очрашуда ТР Дәүләт алкоголь инспекциясе җитәкчесе Игорь Марченко һәм "Татспиртпром" ААҖ генераль директоры Ирек Миңнәхмәтов катнашты.

23
гыйнвар, 2015 ел
җомга

Бүген Давоска эшлекле сәфәре һәм Бөтендөнья икътисадый форумында катнашу кысаларында Татарстан Республикасы Президенты Рөстәм Миңнеханов эре компанияләр җитәкчеләре белән очрашты. Чараларда шулай ук “Татнефть” генераль директоры Наил Маганов катнашты.

Иртән Рөстәм Миңнеханов Руанда Президенты Поль Кагаме һәм Великобританиянең экс-премьеры Тони Блэр катнашындагы эшлекле иртәнге ашта булды. Аннан Татарстан Республикасы Президенты Cisco компаниясенең Европа, Якын Көнчыгыш, Африкада, Россиядә һәм БДБ илләредә сатулар буенча директоры Крис Дедикот белән очрашты. Рөстәм Миңнеханов Татарстанның дөньядагы алдынгы IT-компанияләренең берсе белән дәвамлы һәм уңай хезмәттәшлек итү тәҗрибәсен билгеләп үтте. Ул Крис Дедикотка “Иннополис” проектын гамәлгә ашыру барышы турында хәбәр итте һәм Cisco компаниясен Татарстанда төзелеп килүче IT-шәһәргә чакырды.


22
гыйнвар, 2015 ел
пәнҗешәмбе

Бүген, Швейцариянең Давос шәһәренә эш визитының өченче көнендә, Татарстан Республикасы Президенты Рөстәм Миңнеханов Бөтендөнья икътисадый форумының ике сессиясендә катнашты һәм Казахстанның Икътисадый хезмәттәшлек һәм үсеш оешмасы белән хезмәттәшлек итү ил программасы турындагы Меморандумны имзалау тантанасында катнашты.

“Россиянең яңа икътисадый чынбарлыгы” сессиясендә Рөстәм Миңнеханов форумның оештыру комитеты чакыруы буенча булды. Сессия спикерлары арасында Россия туры инвестицияләр фонды генераль директоры Кирилл Дмитриев һәм Ernst&Young компаниясе рәисе Марк Вейнбергер бар иде.


21
гыйнвар, 2015 ел
чәршәмбе

Бүген көннең икенче яртысында Татарстан Республикасы Президенты Рөстәм Миңнеханов Швейцариянең Давос шәһәрендә Бөтендөнья икътисадый форумының ике сессиясендә катнашты.


«Энергитиканың геоикътисады» сессиясендә катнашучылар геосәясәттәге үзгәрешләренең энергетика базарларына йогынтысы буенча фикер алыштылар. Сессия спикерлары арасында Россия Федерациясе вице-премьеры Аркадий Дворкович та чыгыш ясады. Ул белдергәнчә, нефтькә бәяләр түбән булганда да, нәтиҗәлелекне арттырган очракта, табыш алырга мөмкин, Россия шул юнәлештә хәрәкәт итә.


20
гыйнвар, 2015 ел
сишәмбе

Бүген Татарстан Республикасы Президенты Рөстәм Миңнеханов Сингапурның Olam International Ltd компаниясенең баш вице-президенты Радж Вардхан һәм вице-президены Сумант Кумар Де белән очрашты. Чарада шулай ук Татарстан Республикасы вице-премьеры – авыл хуҗалыгы һәм азык-төлек министры Марат Әхмәтов, ТР Президентының халыкара мәсьәләләр буенча ярдәмчесе Радик Гыйматдинов катнаштылар.

РФда капитал амнистиясен уздыруның гомуми механизмы мартта булдырылырга мөмкин, дип белдерде РФ финанслар минситры урынбасары Сергей Шаталов.

19
гыйнвар, 2015 ел
дүшәмбе
Чәршәмбе көнне Хөкүмәт Президент Владимир Путинга кризиска каршы көрәшү буенча барлык ведомстволар эшләп чыгарган соңгы тәкъдимнәрнең тупланмасын тәкъдим итәргә җыена. Рецесииядән чыгу нигездә бюджет хисабына планлаштырыла. Аларны табу Финанслар министрлыгы алдында тора.

17
гыйнвар, 2015 ел
шимбә
Россиянең Премьер-министры Дмитрий Медведев авыл хуҗалыгы өчен бирелгән кредитларның процент ставкаларын субсидияләштерергә тәкъдим итә. Бу турыда ул "Авыл хуҗалыгы тармакларының тотрыклы эшләве турында" киңәшмәдә белдерде.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International