ЯҢАЛЫКЛАР
Татарстан Республикасы Финанс министрлыгы салым салуның гадиләштерелгән системасын кулланучы салым түләүчеләргә еллык салым декларациясен тапшыру кирәклеген искә төшерә.
Татарстан Республикасында “Куркынычсыз һәм сыйфатлы юллар” илкүләм проектының «Төбәк һәм җирле юл челтәре» федераль проекты кысаларында өлешчә федераль бюджеттан финанслана торган автомобиль юлларын һәм ясалма юл корылмаларын норматив хәлгә китерү чараларын гамәлгә ашыру дәвам итә.
Россия Федерациясе Сәнәгать һәм сәүдә министрлыгы тарафыннан Татарстан Республикасы Икътисад министрлыгы, Татарстан Республикасы Финанс министрлыгы һәм Федераль казначылыкның Татарстан Республикасы буенча идарәсе вәкилләре катнашында Россия Федерациясе Хөкүмәтенең 2014 елның 30 октяреннән 1119 санлы “Индустриаль парклар, махсус икътисади зоналарның сәнәгать технопарклары һәм югары технологияләр өлкәсендәге технопарклары инфраструктурасы объектларын төзү, модернизацияләү һәм (яки) реконструкцияләү чыгымнарын каплауга субсидияләр рәвешендә дәүләт ярдәме алу хокукына ия булган Россия Федерациясе субъектарын сайлап алу турында” карарын гамәлгә ашыру мәсьәләләре буенча киңәшмә үткәрелде.
Агымдагы елның 1 мартына Татарстан Республикасы бюджетына федераль бюджеттан 12,8 млрд сумлык максатчан бюджетара трансфертлар (планлы билгеләнешләрнең 18,7%) керде, шул исәптән: субсидияләр – 10,7 млрд сум, субвенцияләр – 1,7 млрд сум, башка бюджетара трансфертлар – 340,0 млн сум, федераль фондлардан кергән акчалар – 11,8 млн.сум.
8-10 март көннәрендә "Алабуга" махсус икътисадый зонасында "Россия лидерлары" бөтенроссия идарәчеләр конкурсы финалистлары өчен стратегик сессия һәм күзәтү экскурсиясе узды, чарада 4 сезон финалисты, Татарстан Республикасы Финанс министрлыгының Казначылык Департаменты бүлеге башлыгы урынбасары Марат Ильясов катнашты.
2024 елның гыйнвар-февраль айларында республиканың дәүләт һәм муниципаль учреждениеләре тарафыннан күрсәтелгән түләүле хезмәтләрдән тупланма керемнәр, максатчан тотылырга тиешле керемнәрне исәпкә алып, 3 269,7 млн.сум тәшкил итте, бу 2023 елның шул ук чоры керемнәреннән 529,2 млн. сумга күбрәк.
Киләсе өч елга бюджет проектын формалаштыру кысаларында чираттагы финанс елына һәм план чорына Татарстан Республикасы бюджеты проектын һәм Татарстан Республикасы Территориаль мәҗбүри медицина иминияте фонды бюджеты проектын төзегәндә эшләнә торган законнар, документлар һәм материаллар проектларын әзерләү һәм карау графигы расланды.
Халыкара хатын-кызлар көнен бәйрәм итү алдыннан Татарстан Республикасы Финанс министры Радик Гайзатуллин җитәкчелегендә Татарстан Республикасы Финанс министрлыгының барлык ир-атлар коллективы хатын-кызларны 8 Март бәйрәме белән котлады.
«2024 елга, 2025 һәм 2026 еллар план чорына Татарстан Республикасы бюджеты турында» 2023 елның 28 ноябрендәге 116-ТРЗ санлы Татарстан Республикасы Законы нигезендә республика муниципаль берәмлекләре бюджетларына бюджетара трансфертлар каралган.
Агымдагы елның март ахырында Казанда «Дала Евразиясе халыклары тарихы һәм мәдәниятенең: традицияләрнең чыганагы һәм мәдәниятләрнең күптөрлелеге» халыкара конференциясен уздыру планлаштырыла.
Әлеге чараны уздыруга Татарстан Республикасы бюджетыннан Татарстан Республикасы Фәннәр академиясенә 7 568,3 мең сум акча бүлеп бирелә.