ЯҢАЛЫКЛАР
Татарстан Республикасы, Россия Финанс министрлыгының социаль-икътисадый бәяләмәсе буенча, төп күрсәткечләр буенча федерация субъектлары арасында Мәскәү һәм Санкт-Петербургтан соң өченче урында, инвестицион климат буенча федерация субъектлары арасында Мәскәүдән соң икенче урында тора. Бу хакта бүген Россия Финанс министры Антон Силуанов Татарстан Республикасы Финанс министрлыгының, Татарстан Республикасы буенча Федераль салым хезмәте идарәсенең, Татарстан Республикасы буенча Федераль казначылык идарәсенең уртак коллегиясендә белдерде.
Россия Хөкүмәте 2024-2026 елларга финанс планын «җиңү бюджеты» дип бәяләде, дип хәбәр итте «Известия»гә биргән интервьюсында Финанс министрлыгы башлыгы Антон Силуанов.
15 декабрь көнне Татарстан Республикасы Министрлар Кабинетының утырышлар залында Татарстан Республикасы Финанс министрлыгы, Татарстан Республикасы буенча Федераль салым хезмәте идарәсе һәм Татарстан Республикасы буенча Федераль казначылык идарәсенең уртак коллегиясе узачак. Ул "2023 елда Татарстан Республикасы тупланма бюджетының көтелгән үтәлеше йомгаклары һәм Татарстан Республикасы финанс, казначылык һәм салым органнарының 2024 елга бурычлары" темасына багышланачак.
2023 елның 13 декабрендә Татарстан Республикасы Дәүләт Советы каравына “2023 елга, 2024 һәм 2025 еллар план чорына Татарстан Республикасы бюджеты турында” Татарстан Республикасы Законына үзгәрешләр кертү хакында” Татарстан Республикасы законы проекты кертелде.
Агымдагы елның ноябрендә Татарстан Республикасы аерым юнәлешләр буенча чыгым йөкләмәләрен алдан финанслауны тәэмин итү кысаларында 1,9 млрд. сум күләмендә федераль бюджет кредитлары җәлеп итте.
Агымдагы елның 1 декабренә барлыгы 14,4 млрд.сумлык шундый кредитлар җәлеп ителгән.
Татарстанда 2023 елда «Мәдәният» илкүләм проектына 1,595 млрд сум акча юнәлтелгән. Шуларның 692 млн сумы - федераль бюджеттан һәм 393 млн сумы Татарстан Республикасы бюджетыннан бүлеп бирелгән. Бу хакта бүген ТР Хөкүмәте Йортында узган брифингта ТР мәдәният министры Ирада Әюпова сөйләде.
Президент Владимир Путин йөкләмәсе буенча гамәлгә куела башлаган «Туризм һәм кунакчыллык индустриясе» илкүләм проекты кысаларында федераль бюджеттан Татарстан Республикасы бюджетына 2024 елга Россия Федерациясенең «Туризмны үстерү» дәүләт программасы күрсәткечләренә ирешүгә 125 912,3 мең сум күләмендә бердәм субсидия бирелде.
Алдан ясалган исәпләүләр буенча, 2023 елның гыйнвар-ноябрь айларында федераль бюджет керемнәре күләме 25 963 млрд сум тәшкил иткән.
Халыкара коррупциягә каршы көрәш көне алдыннан Татарстан Республикасы Финанс министрлыгының Казначылык департаментында "Коррупциягә каршылык күрсәтик" дип аталган квест-уен узды.
Беренчел мәгълүматлар буенча, илкүләм проектларны тормышка ашыруга федераль бюджет чыгымнарының үтәлеше – 2023 елның 1 декабренә – 2 530,9 млрд сум яки планлы бюджет билгеләнешләреннән 84,5% тәшкил иткән.