ЯҢАЛЫКЛАР
Татарстан Республикасында илкүләм проектлар кысаларында чараларны финанслауның гомуми күләме 2023 елга 29,5 млрд. сум тәшкил итә, шул исәптән федераль бюджеттан – 17,3 млрд. сум, Татарстан Республикасы бюджетыннан - 12,2 млрд. сум. 2023 елның 1 кварталында 6,3 млрд. сум үзләштерелгән.
Россия Финанс министрлыгы федераль бюджетка һәм РФ бюджеттан тыш дәүләт фондлары бюджетларына кагылышлы бюджет классификациясе кодларының яңа исемлеген әзерләгән. Тиешле боерык проекты норматив-хокукый актлар проектларын урнаштыру өчен Бердәм порталда бастырылган.
Urals маркалы нефтькә уртача бәя 2023 елның гыйнвар-апрелендә баррель өчен $51,05 күләмендә урнашкан, 2022 елның гыйнвар-апрелендә ул баррель өчен $84,68 булган.
Татарстан Республикасы Финанс министрлыгы хезмәткәрләре «Хәтер бакчасы» халыкара акциясендә катнашты. Чара Бөек Ватан сугышында Җиңүнең 78 еллыгын һәм Татарстан Республикасында милли мәдәниятләр һәм традицияләр елын бәйрәм итү кысаларында оештырылды.
Үзебезнең ил предприятиеләренә дәүләт гарантияләре программасы, шул исәптән тотрыклы үсеш проектларына, озайтылачак, ә аны гамәлгә ашыруга акчалар күләме – өчтән бергә арттырылачак. Бу хакта Россия премьер-министры Михаил Мишустин үзенең урынбасарлары белән оператив киңәшмәдә хәбәр итте.
Бүген Татарстан Республикасы финанс министры Радик Гайзатуллин Татарстан Республикасы Хөкүмәте Йортында узган республика киңәшмәсендә 2023 елның 1 кварталында Татарстан Республикасы берләштерелгән бюджетының үтәлеше һәм Татарстан Республикасы финанс системасы органнарының 2023 елга бурычлары турында сөйләде.
Хәзерге чикләүләр шартларында без җитештерүчеләрнең уңышлы эшләве өчен барлык шартларны тудырырга тиеш. Бу хакта Татарстан Республикасы Рәисе Рөстәм Миңнеханов 2023 елның 1 кварталында берләштерелгән бюджет үтәлеше йомгаклары һәм 2023 елга бурычлары буенча Татарстан Республикасы финанс, казначылык һәм салым органнарының республика киңәшмәсендә белдерде. Чара ТР Хөкүмәте Йортында узды. АндаТатарстан Премьер-министры Алексей Песошин да катнашты.
Россия Финанс министрлыгы «Бухгалтерлык (финанс) хисабы» (4/2023) бухгалтерлык исәбенең федераль стандарты проектын эшләгән. Документ тексты министрлыкның рәсми сайтында бастырылган.
2023 елның 25 апрелендә Татарстан Республикасы Финанс министрлыгында муниципаль район һәм шәһәр берәмлекләренең финанс органнары җитәкчеләре белән киңәшмәләр узды. Аларда 2023 елның гыйнвар-мартында җирле бюджетларның үтәлеше һәм 2023 елның апрель аенда җирле бюджетларның көтелгән үтәлешенә кагылышлы мәсьәләләр каралды.
2023 елның 27 апрелендә 16:00 сәгатьтә Татарстан Республикасы Министрлар Кабинетының киңәшмәләр залында Татарстан Республикасы финанс, казначылык һәм салым органнарының «2023 елның 1 кварталында Татарстан Республикасы берләштерелгән бюджетын үтәү йомгаклары һәм Татарстан Республикасы финанс системасы органнарының 2023 елга бурычлары турында» мәсьәләсе буенча республика киңәшмәсе узачак.