ЯҢАЛЫКЛАР
2022 ел нәтиҗәләре буенча Татарстан физик затлардан өч млрд сумнан артык салым җыярга планлаштыра. Аларны 17 июльдән дә соңга калмыйча түләргә кирәк. Бу хакта бүген Татарстан Республикасы Министрлар Кабинетында узган брифингта Татарстан Республикасы буенча Федераль салым хезмәте идарәсе җитәкчесе Марат Сафиуллин хәбәр итте.
Urals маркалы нефтькә уртача бәя 2023 елның гыйнвар-мартында баррель өчен $48,92 күләмендә урнашкан, 2022 елның гыйнвар-мартында – ул баррель өчен $88,95 булган.
Россиядә агымдагы елның апрель башына булган мәгълүматларга караганда, 1,197 млн яңадан төзелгән кече һәм урта эшкуарлык компаниясе теркәлгән. Гомумән алганда, Россия буенча, 2023 елның апреленә мәгълүматларга караганда, 6,11 млн кече һәм урта эшкуарлык компаниясе теркәлгән.
Бүгенге көндә торак төзелеше буенча еллык план 37% ка үтәлгән - 1 млн.138 мең квадрат метр торак тапшырылган. Бүген ТР Хөкүмәте Йортында узган республика киңәшмәсендә ТР төзелеш, архитектура һәм торак-коммуналь хуҗалык министрының беренче урынбасары Алексей Фролов шундый мәгълүмат китерде. Киңәшмәне Татарстан Премьер-министры Алексей Песошин үткәрде.
Татарстан Республикасы Финанс министрлыгында 2023 елның 28-29 мартында Татарстан Республикасы муниципаль хезмәткәрләренең түбәндәге юнәлешләр буенча стажировкасы булды: «Җирле бюджетның керем потенциалын фаразлау һәм аның чыгым вәкаләтләре белән нисбәте» һәм «Җирле бюджет проектын формалаштыру».
Дәүләт статистикасы федераль хезмәте "Кече предприятие эшчәнлегенең төп күрсәткечләре турында мәгълүматлар" ПМ санлы статистик форманы тутыру буенча яңа күрсәтмәләрен раслады. 2023 елның 24 мартыннан 130 санлы тиешле боерык Дәүләт статистикасы федераль хезмәтенең рәсми сайтында бастырылган.
2023 елның 27 мартында Татарстан Республикасы Финанс министрлыгында муниципаль район һәм шәһәр берәмлекләренең финанс органнары җитәкчеләре белән киңәшмәләр узды. Аларда 2023 елның гыйнвар-февралендә җирле бюджетларның үтәлеше һәм 2023 елның март аенда җирле бюджетларның көтелгән үтәлешенә кагылышлы мәсьәләләр каралды.
223-ФЗ буенча дәүләт катнашы белән оешмалар тарафыннан кече күләмдә (500 мең сумга кадәр) сатып алуларның гомуми суммасы 375 миллиард сумнан узып, ике тапкырга диярлек арткан, дип хәбәр итә сатып алулар өлкәсе мониторингы белән шөгыльләнүче Кече һәм урта эшкуарлыкны үстерү буенча федераль корпорация.
Бүген Татарстан Республикасы Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин социаль-мәдәни өлкә объектларын, гидротехник корылмаларны һәм күп фатирлы йортларны капиталь ремонтлау буенча эшләр торышы турында хәбәр итте.
2023 елның 16 апреленнән мәгълүматны исемлеккә формалаштыру, килештерү һәм кертү кагыйдәләре, шулай ук бюджет кереме чыганагының һәм бюджет керемнәре чыганаклары төркеменең реестр язмасының уникаль номеры структурасы, шулай ук бюджет кереме чыганагының идентификация коды һәм бюджет керемнәре чыганаклары төркеменең идентификация коды структурасы үзгәрә (Россия Финанс министрлыгының 2022 елның 9 декабрендәге 187н санлы боерыгы, Россия Юстиция министрлыгында 2023 елның 16 мартында теркәлгән).