ЯҢАЛЫКЛАР
“Дәүләт социаль ярдәме турында” 1999 елның 17 июлендәге 178-ФЗ санлы Федераль закон, “Гражданнарга социаль ярдәм” Россия Федерациясе дәүләт программасын раслау турында” Россия Федерациясе Хөкүмәтенең 2014 елның 15 апрелендәге 296 санлы карары нигезендә Татарстан Республикасында социаль контракт нигезендә дәүләт социаль ярдәмен күрсәтү чаралары гамәлгә ашырыла.
Агымдагы елда федераль бюджеттан Татарстан Республикасы бюджетына агросәнәгать комплексы объектларын төзүгә һәм (яисә) модернизацияләүгә турыдан-туры тотылган чыгымнарның бер өлешен каплау, шулай ук сөт продукциясенең аерым төрләрен мәҗбүри маркировкалауны гамәлгә кертү өчен маркировкалау җайланмаларын сатып алу һәм сәнәгать эксплуатациясенә кертү буенча республика чыгымнарының 58 процентын финанслашу максатларында гомуми суммасы 303,0 млн.сум күләмендә субсидияләр бирү планлаштырыла.
Татарстан Республикасы Сәламәтлек саклау министрлыгының Республика наркология диспансеры структурасында кеше организмында алкоголь, наркотик чаралар һәм психотроп матдәләр булуын ачыклау максатында биологик үрнәкләргә химик-токсикологик тикшеренүләр үткәрү өчен дип билгеләнгән клиник-диагностик лаборатория эшләп килә.
2025 елда Татарстан Республикасы бюджетыннан фәнни тикшеренүләр өлкәсен үстерүгә 250,0 млн.сум бүлеп бирелгән.
Агымдагы елда Россия Федерациясе Хөкүмәтенең 2024 елның 25 июненнән 853 санлы карары белән расланган Федераль Кагыйдәләр нигезендә Татарстан Республикасы бюджетына индустриаль (сәнәгать) парклар, сәнәгать технопарклары, хосусый милек рәвешендәге югары технологияләр өлкәсендәге технопарклар идарәче компанияләренең индустриаль (сәнәгать) парклар, сәнәгать технопарклары, югары технологияләр өлкәсендәге технопарклар төзүгә, аларның мәйданнарын арттыруга яисә реиндустриализацияләүгә чыгымнарының бер өлешен каплауга федераль бюджеттан субсидияләр бирелә.
Россия Федерациясе Хөкүмәте тарафыннан «Татарстан Республикасы Зәй муниципаль районы территориясендә сәнәгать-җитештерү тибындагы махсус икътисадый зона булдыру турында» 2025 елның 25 июнендәге 949 санлы карар кабул ителде.
2025 елның гыйнвар-май айларында муниципаль районнарның һәм шәһәр округларының берләштерелгән бюджетларына 82,2 млрд.сум керде, бу еллык планлы билгеләнешләрнең 48% тәшкил итә. Керемнәрне җирле бюджетларга туплау динамикасы уңай. Бу хакта Татарстан Республикасы финанс министры Марат Фәйзрахманов муниципаль берәмлекләрнең финанс органнары җитәкчеләре белән 2025 елның гыйнвар-май айларында җирле бюджетларның үтәлеше һәм 2025 елның гыйнвар-июнь айларында көтеләчәк үтәлеш мәсьәләләре буенча киңәшмәдә хәбәр итте.
2026-2028 елларга Татарстан Республикасының социаль-икътисадый үсеш фаразын формалаштыру кысаларында Татарстан Республикасы Финанс министрлыгы вәкилләре 2025 елның 25-27 июнь көннәрендә Татарстан Республикасы берләштерелгән бюджетының иң эре салым түләүчеләре санына кергән компанияләр белән оештырылган киңәшмәләрдә катнашты.
2025 елның гыйнвар-май айларында, максатчан тотылырга тиешле керемнәрне исәпкә алып, республиканың дәүләт һәм муниципаль учреждениеләре тарафыннан күрсәтелгән түләүле хезмәтләрдән берләштерелгән керемнәр 10 359,5 млн.сум күләмендә керде. Бу 2024 елның шул ук чорында җыеп алынган керемнәрдән 1 683,2 млн. сумга күбрәк.
Бүген Татарстан Республикасы Финанс министрлыгында Татарстан Республикасы финанс министры каршындагы Коррупциягә каршы көрәш комиссиясенең видеоконференция режимында утырышы узды. Утырышны комиссия рәисе урынбасары, финанс министрының беренче урынбасары – Казначылык департаменты директоры Рөстәм Аюкасов үткәрде.