ЯҢАЛЫКЛАР
Тантаналы чарада ТР Премьер-министры Илдар Халиков, “Ford Соллерс” уртак предприятие (УП) президенты Тед Каннис, “Форд Соллерс” УП башкарма директоры Адиль Ширинов, “Соллерс” ААҖ директоры Вадим Швецов, шулай ук махсус кунак Ford Директорлар Советы рәисе Уильям Клэй Форд катнашты.
ТР Премьер-министры Илдар Халиков җитештерүнең башлануы белән котлады һәм бүгенге вакыйгага катнашы булучыларга Татарстан Президенты Рөстәм Миңнеханов исеменнән рәхмәт белдерде.“Бу минем өчен дә үзенчәлекле, чөнки “Соллерс” компаниясенең ТР белән хезмттәшлеге минем күз алдымда үсте, һәм минем күз алдымда Чаллыда һәм Алабугада уникаль заводлар төзелде. Бүгенге вакыйга ул вакытта тормышка ашарлык матур хыял, без дөньяда иң яхшы маркалы заманча автомобильләрне күзаллаган хыял кебек кабул ителде. Күп заманча эш урыннары булдырылды, илебезнең күп гражданнарына дөнья дәрәҗәсендәге заманча компаниядә эшләү мөмкинлекләре туды”, - дип белдерде Илдар Халиков.
Татарстан Президенты RED Аircraft GmbH югары технологияле авиадвигательләр эшләү һәм җитештерү заводы эшчәнлеге белән танышты.
Компания Аденау шәһәрендә (Рейнланд-Пфальц җире, Германия) “Нюрбургринг” автомобильләрдә узышу трассасы белән янәшә урнашкан, җыю цехлары 2000 квадрат метрдан артык мәйдан били һәм заманча җайланмалар белән җиһазландырылган. Компания эшчәнлегенең төп юнәлеше – төрле тармаклар өчен югары технологияле поршеньле авиадвигательләр эшләү һәм җитештерү.
Компаниянең генераль директоры, КНИТУ-КАИ тәмамлаган Владимир Райхлин, заводта йөргәндә Татарстан Президентын озата йөреп, RED Aircraft тарафыннан авиация, автомобильләр һәм бүтән техника өчен җитештерелә торган барлык двигательләр компаниянең үзендә җыела һәм үз эшләнмәләрен идарә итүнең электрон блоклары белән җиһазландырыла.
Бүген Татарстан Республикасы Президенты Рөстәм Миңнеханов чираттан тыш Татарстан Республикасы Иминлек Советы утырышын уздырды.
Утырышта ТР Дәүләт Киңәшчесе Минтимер Шәймиев, ТР Дәүләт Совтеы Рәисе Фәрид Мөхәммәтшин, ТР Премьер-министры Илдар Халиков, ТР Иминлек Советы Секретаре Валерий Власов, ТР Иминлек Советы әгъзалары, муниципаль берәмлекләр башлыклары, республика министрлыклары һәм ведомстволары җитәкчеләре, тикшерү-күзәтчелек органнары, ТКХ һәм энергетика объектлары, балалар өчен социаль учреждениеләр җитәкчеләре катнашты.
Көндәлек тәртиптә ике мәсьәлә булды - республика торак-коммуналь хуҗалыкларының 2013/2014 елларның көз-кыш сезонына әзерлек нәтиҗәләре; социаль хезмәт күрсәтүнең балалар учреждениеләрендә халыкның санитария-эпидемиология иминлеге өлкәсендә законнар таләпләрен үтәү.
Радик Гайзатуллин депутатларны киләсе ел бюджеты проектының төп параметрлары белән таныштырды, комитет карамагындагы мәсьәләләрнең ничек финансланачагы турында хисап тотты. Ул үз чыгышында 2014 елда федераль бюджеттан сыйныф җитәкчелеге өчен акча килмәячәген, бу максатлар өчен республика бюджетында акча карау зарурлыгын билгеләп үтте.
Республиканың социаль-икътисадый үсеше фаразы белән депутатларны ТР Икътисад министры Мидхәи Шаһиәхмәтов таныштырды. Ул билгеләп үткәнчә, тулаем бөтендөнья икътисады кичерә торган кыенлыклар аркасында ил икътисадының үсеш темплары да тискәре йогынтыга дучар булачак. Министр, проектка бюджетның чыгымнар өлешен арттыруга китерә торган тәкъдимнәр керткәндә, сак һәм реалистик булырга чакырды.
ТР финанс министры урынбасары Алла Анфимова 2014 елга һәм якын киләчәккә республика бюджеты проектын тәкъдим итте. Документ буенча, 2014 елда Татарстан бюджетының керем өлеше 148,7 млрд сум, чыгымнары 144,9 млрд сум тәшкил итә. Шулай итеп, еллык бюджет дефициты 5,4 млрд сум күләмендә планлаштырыла. Алла Анфимова Законлылык һәм хокук тәртибе комитетының эшчәнлегенә кагылышлы сорауларга конкрет тукталды.