ЯҢАЛЫКЛАР

Татарстан Республикасының Финанслар министры урынбасары Алла Анфимова өстәмә белем бирүне норматив финанслау мәсьәләсе буенча киңәшмә уздырды. Киңәшмәдә РТ мәгариф һәм фән министрлыгы, ТР яшьләр эшләре һәм спорт министрлыгы, ТР мәдәният министрлыгы, ТР МК каршындагы Икътисад һәм социаль тикшерүләр үзәге, "Барс групп" компанияләр төркеме вәкилләре катнашты.

Россия Федерациясе Хөкүмәтенең 2013 елның 11 июненнән 953-р санлы карары белән расланган "Бизнес өчен регулятор мөһитнең сыйфатын арттыру" ("Юл картасы") чаралары Планының II бълегенеж 5 пунктын тормышка шаыру кысаларында Россия Финанслар министрлыгы "Кече касәбчелек субъектларыны бухгалтер исәбен алып баруга" турында махсус buhuchet.minfin.ru сайты ачкан. 

2014 елның 31 мартында Татарстан Республикасы Финанслар министрлыгында ТР финанслар министры каршындагы Коррупциягә каршы тору буенча комиссиянең чираттагы утырышы узды.

Россия Федерациясе Хөкүмәте кризис очрагында зур тышкы бурычлары булган банк һәм компанияләргә Милли Байлык Фонды хисабына ярдәм итәчәк, әмма хәзер аның өчен нигез юк, дип белдерде РФ Финанслар министры башлыгы Антон Силуанов.

Россиянең Үзәк банкы уртача вакытка алдан әйтү буенча инфляция дәрәҗәсен дүрт процентка кадәр киметергә планлаштыра. Бу турыда бишенче Биржа форумында регулятор башлыгы Эльвира Набиуллина хәбәр итте.

Мәскәүдә Россия Финанслар министрлыгы ярдәме белән "Студентлар һәм яшьләр өчен финанс грамотлалык мәсьәләләре: халыкара һәм россия тәҗрибәсе" халыкара конференция узды. Аның оештыручылары -  Икътисади һәм финанс тикшерүләр һәм эшләп чыгарулар үзәге һәм Сiti Фонды.

Россия Федерациясенең Финанслар министрлыгы бюджет кагыйдәләрен үзгәртү максатка туры килми, әлеге мәсьәлә Хөкүмәттә тикшерелми, дип хәбәр итте журналистларга Россия Финанслар министры Антон Силуанов. 

РФ Икътисади үсеш министры Александр Улюкаев пәнҗешәмбе көнне инвестицион торыш һәм капиталның  читкә кагуына карап бюджет кагыйдәләрен үзгәртү мөмкин дигән иде.

Россия Федерациясе Хөкүмәте икътисади хәлләр начарайган очракта эре компанияләргә ярдәм күрсәтүгә юнәлдерелгән барлык инстументлар бар, ләкин аларны кулланырга иртә әле, дип хәбәр итте РФ Финанслар министры Антон Силуанов пәнҗешәмбе көнне узган биржа форумында.

Бүген Казанда Татарстан Республикасы Президенты Рөстәм Миңнеханов рәислегендә «Татнефть» ААҖ Директорлар советының чираттагы утырышы уздырылды. Утырышта «Татнефть» ААҖнең 2014 елның ике аенда бюджеты үтәлеше каралды һәм апрель аена һәм быелның икенче кварталына бюджеты расланды.

Директорлар советы сланец нефте буенча геологик өйрәнүнең торышы һәм һәм тәҗрибә-сәнәгать эшләрен уздыру турында мәгълүматны тыңлады. «Татнефть» компанияләре төркеме тарафыннан сланец катламнарында чыгарыла торган барлык ресурслар 2014 ел башына 192 млн тонна күләмендә бәяләнә. Хәзерге вакытта геологик-геофизик күрсәткечләр бәяләү алып барыла, агымдагы елда аларда пластны су белән шарлату уздыру өчен скважиналар сайлап алына. Баулы ятмаларындагы скважинада данко-лебедянский катламнарында ГРП үтәлде.

Россиянең Финанслар министры Антон Силуанов Visa һәм MasterCard халыкара түләү системаларыннан баш тарту өчен җитди сәбәпләр күрми, чөнки ил эчендә эшләнүче үзебезнең исәп-хисап системабыз чит илләрдә эшләмиячәк.