ЯҢАЛЫКЛАР
РФ Хөкүмәте кыйммәтле тәмәкегә акцизларны тизрәк темпта күтәререгә планлаштыра, дип белдерде РФ Финанслар министры Антон Силуанов.
"Без тәмәке продукциясенә ставкаларны индексацияләүне арттыру турында сөйлибез. Кыйммәт тәмәкегә ставкаларны арттыру турында сөйләшәбез", - диде Силуанов.
Стратегик компанияләр белән эшләү өчен тиешле шартларга туры килүче банклар исемлегенә "дистәләгән банкларның күбесе" керә алачак, дип фикер йөртә РФ финанслар министры урынбасары Алексей Моисеев.
"Аларның саны биш, ун һәм егерме банк кына булмыячак. Минемчә - бу дистәләгән банкларның күбесе", - диде ул дүшәмбе көнне Дәүләт Думасының финанс базары буенча комитеты утырышында.
Соңрак ул журналистларга "бу дәүләт банкларының бишлеге булмыячак, ул гадәттән тыш бик зур исемлек булачак" дип аңлатты.
Россия Фелерациясенең Финанслар министрлыгы Резерв фондына күчерү өчен валюта сатып алуны агымдагы ел ахырында яки киләсе ел башында дәвам итәргә мөмкин, дип белдерде журналистларга министрлык җитәкчесенең урынбасары Алексей Моисеев.
"Карар кабул ителмәгән, әлеге мәсьәлә буенча сөләшүләр бара", - диде Моисеев журналистларның сорауларына җавап итеп.
2013 елда Россия Федерациясе бюджетының үтәлеше нәтиҗәләре буенча Резерв фондына 212,2 миллиард сум күләмендәге өстәмә нефть газ кремнәре күчерелергә тиеш булган. Шулай да резервлар чит ил валютасында саклана, аларны Үзәк Банк базарда Финанс министрлыгы өчен алган.
Дәүләтнеке булмаган пенсия фондлары 2015 елның беренче кварталы ахырына кадәр 0,5 трл. сум акча алачак. Бу турыда журналистларга РФ финанслар министры урынбасары Алексей Моисеев хәбәр итте.
"Төрле юнәлешләр буенча пенсия фондларына тиеш булган акчага карата: беренчесе - 2013 ел калдыклары, икенчесе - 2013 елда күчерелү кампаниясе нәтиҗәләре буенча тышкы икътисади банктан күчерегә тиеш булган акча, өченчесе - халыкныкы булган кертемнәр, мәсьәлән, ана капиталы. Боларның барысы да Дәүләтнеке булмаган пенсия фондына киләсе елның беренче кварталы ахырына кадәр күчәчәк, һәм аларның күләме 0,5 трлн сум тирәсе тәшкил итәчәк", - диде Моисеев, бу акчаларның законда каралганча Дәүләтнеке булмаган пенсия фондына күчереләчәген искәртеп.
Urals маркалы Россиянең нефтенә уртача бәя 2014 елның гыйнвар-июнь айларында баррель өчен 107,28 доллар күләмендә урнашкан, дип хәбәр итте "Интерфакс-АФИ" агентлыгына РФ Финанслар министрлыгы белгече Александр Сакович котировка агентлыгы биргән мәгълүматларга сылтама ясап.
2013 елның гыйнвар-июнь айларында уртача бәя баррель өчен 106,53 доллар күләмендә иде, дип искә төшерде ул. Шулай итеп, 2014 елның беренче яртыеллыгында ул узган елның шушы ук вакыты белән чагыштырганда 0,75 долларга арткан.
Бүген Татарстан Республикасы Президенты Рөстәм Миңнеханов Төрекмәнстанга бер көнлек эш сәфәре ясады.
Ашхабад халыкара аэропортында Рөстәм Миңнехановны Төрекмәнстан Министрлар Кабинеты Рәисе урынбасары – чит илләр эшләре министры Рәшид Мөридов каршы алды.
Ашхабадка килеп төшүгә үк Рөстәм Миңнеханов Төрекмәнстан Президенты Горбанголы Бердымөхәммәдов белән очрашу өчен Огузхан (Ашхабад, Төрекмәнстан) сараена барды.
2014 елда Татарстанда мәктәпләргә каптиаль ремонт ясау программасы республиканың 11 районында тәмамланган. Бүген мондый күрсәткечләр Татарстан Республикасы Хөкүмәте Йортында Татарстан Республикасы Президенты Рөстәм Миңнеханов тарафыннан уздырыла торган традицион киңәшмәдә китерелде.
Үзенең нотыгында Татарстан Республикасы төзелеш, архитектура һәм ТКХ министры Ирек Фәйзуллин хәбәр иткәнчә, 2014 елда күп фатирлы йортларга капиталь ремонт ясау программасында, Әлки, Әтнә, Кайбыч, Чүпрәле һәм Чирмешән муниципаль районнарыннан гайре, 40 муниципаль берәмлек катнашты: бу – 4,8 млн.кв.м. мәйданлы 793 күп фатирлы йорт. 202,2 мең гражданның торак шартларын яхшырту планлаштырыла. ДТИ күрсәткечләренә караганда, капиталь ремонт эшләре 40 муниципаль берәмлекнең барлык йортларында да башланган.
Бүген Татарстан Республикасы Президенты Рөстәм Миңнеханов РФ финанслар министры Сергей Шаталов белән очрашты. Очрашу ТР Хөкүмәт Йортында узды, анда республика ягыннан шулай ук ТР финанслар министры Радик Гайзатуллин, ТР Президенты ярдәмчесе Ринат Сабиров, «Татнефть» ААҖ генераль директоры Наил Маганов, «Татнефть» ААҖ генераль директоры урынбасары - баш геологы Рәис Хисамов, «ТАИФ» ААҖ генераль директоры Альберт Шиһабетдинов һәм башкалар катнашты.
Очрашу барышында нефть тармагы үсеше, тармакта салым түләү мәсьәләләре турында сүз барды.
Бүген “Татнефть” ААҖ акционерларының еллык җыелышы узды. Анда Татарстан Президенты Рөстәм Миңнеханов катнашты.
Компаниянең 2013 еллык эшчәнлеге турында доклад белән аның генераль директоры Наил Маганов чыгыш ясады. Аның мәгълүматларына караганда, бер елда 26 млн 107 мең тонна нефть табылган. Гомумән, “Татнефть” төркеме буенча 26 млн 419 мең тонна нефть чыгарылган. “Миллер энд Ленц” бәйсез халыкара консалтинг фирмасы бәяләвенчә, 2013 ел башында “Татнефть” ААҖ нең исбатланган запасы 847,3 млн. тонна тәшкил иткән.
“Электронный документооборот- Сервис” ҖЧҖ генераль директоры Тимур Якубов хәбәр иткәнчә, бу проект буенча гражданнарга үз видеорегистраторларына юл хәрәкәте кагыйдәләрен бозган очракларны, юл-транспорт һәлакәтләрен теркәп, ЮХИДИгә җибәрү мөмкинлеген булдыру уйланыла.
Мәгълүматларны эшкәртү өчен махсус автоматлаштырылган система булдырылачак. Мәгълүматларны карау нәтиҗәләре буенча ЮХИДИ хезмәткәрләре тиешле административ карарлар чыгара ала.