ЯҢАЛЫКЛАР
“Салым салуның автоматлаштырылган гадиләштерелгән системасы” махсус салым режимын билгеләү буенча эксперимент үткәрү турында” 2022 елның 25 февралендәге 17-ФЗ санлы закон белән 2022 елның 1 июленнән Россиянең 4 төбәгендә, шул исәптән Татарстан Республикасында, Мәскәүдә, Мәскәү һәм Калуга өлкәләрендә эксперимент рәвешендә “Салым салуның автоматлаштырылган гадиләштерелгән системасы” махсус салым режимы кертелде. РФ субъектының тиешле канунын кабул итү шарты белән, 2025 елның 1 гыйнварыннан әлеге режим бөтен Россиягә таралды. Экспериментның гамәлдә булу вакыты 2027 елның 31 декабре белән чикләнгән.
«Гаилә кыйммәтләре һәм мәдәният инфраструктурасы» федераль проектын гамәлгә ашыру кысаларында 2025 елга Татарстан Республикасы бюджетында төбәк һәм муниципаль музейларны техник яктан тәэмин итүгә 17 554,5 мең сум каралды, шул исәптән федераль бюджет хисабына 13 868,0 мең сум.
2024 елда, максатчан тотылырга тиешле керемнәрне исәпкә алып, республиканың дәүләт һәм муниципаль учреждениеләре тарафыннан күрсәтелгән түләүле хезмәтләрдән берләштерелгән керемнәр 22 242,9 млн.сум тәшкил итте, бу 2023 ел керемнәреннән 3 261,6 млн. сумга күбрәк.
2024 елда муниципаль районнарның һәм шәһәр округларының берләштерелгән бюджетларына 94,3 млрд.сум күләмендә салым һәм салым булмаган керемнәр керде, бу еллык планлы билгеләнешләргә карата 110,7% тәшкил итә. Керемнәрне җирле бюджетларга туплау динамикасы уңай. Бу хакта Татарстан Республикасы финанс министры урынбасары Гела Герасимова муниципаль берәмлекләрнең финанс органнары җитәкчеләре белән 2024 елда җирле бюджетларның үтәлеше һәм 2025 елның гыйнварында көтеләчәк үтәлеш мәсьәләләре буенча киңәшмәдә хәбәр итте.
Татарстан Республикасы Финанс министрлыгының киңәшмәләр залында Татарстан Республикасы Финанс министрлыгының беренчел профсоюз оешмасының хисап-сайлау конференциясе узды.
2025 елдан Татарстан Республикасында «Нәтиҗәле һәм конкурентлы икътисад» илкүләм проекты составына керә торган «Хезмәт җитештерүчәнлеге» федераль проекты чаралары гамәлгә ашырыла.
2025 елда «Педагоглар һәм остазлар» федераль проекты кысаларында дәүләт һәм муниципаль гомуми белем бирү оешмаларының, шулай ук дәүләт һөнәри белем бирү оешмаларының педагогик хезмәткәрләренә сыйныф җитәкчелеге өчен айлык акчалата түләү планлаштырыла.
«2025 елга, 2026 һәм 2027 еллар план чорына Татарстан Республикасы бюджеты турында» 2024 елның 28 ноябрендәге 87-ТРЗ санлы Татарстан Республикасы Законы нигезендә Татарстан Республикасы бюджеты кеременә федераль бюджеттан һәм федераль фондлардан түбәндәге бюджетара трансфертлар керүе көтелә:
Татарстан Рәисе Рөстәм Миңнеханов «Татнефтехиминвест-холдинг» ААҖ Директорлар советы утырышын уздырды. Чара ТР Хөкүмәте Йортында узды. Эштә Татарстан Премьер-министры Алексей Песошин катнашты.
2025 елга файдалануга торак тапшыру буенча минималь план - 3 млн 260 мең квадрат метр. Шулардан: 1 млн 416 мең кв.м. шәхси торак төзелеше линиясе буенча, 1 млн 683 мең кв. м. күп фатирлы инвестицион торак сегментында һәм 162 мең кв. м. социаль ипотека программасы буенча файдалануга тапшырылачак. Бу - 3274 фатирлы 35 йорт. Бу хакта бүген Татарстан Республикасы Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин хәбәр итте.