ЯҢАЛЫКЛАР

Бүген Татарстан парламенты сесиясендә “Татарстан Республикасының 2012 елга һәм 2013 һәм 2014 елларның планлы чорына бюджеты турында” закон проекты беренче укылышта карала.

Бүген ТР Президенты Рөстәм Миңнеханов рәислегендә “Татнефть” ААҖ Директорлар советының чираттагы утырышы узды.

Компания бюджетының 9 айдагы үтәлеш йомгаклары һәм ноябрь аена бюджет раслау көн тәртибенә чыгарылган төп мәсьәләләр булды.

2011 елның 9 аенда Татарстан Республикасы консолидацияләнгән бюджетының салым һәм салым булмаган керемнәре 98,2 миллиард сум тәшкил иткән.
Федераль акчаларны да исәпкә алып, 9 айда Татарстан Республикасы консолидацияләнгән бюджеты керемнәренең гомуми күләме 138,7 миллиард сум тәшкил иткән. Бүген республика консолидацияләнгән бюджетының 2011 елның 9 аендагы үтәлеше нәтиҗәләре һәм 2011 елның ахырына кадәр финанс, казначылык һәм салым органнарының бурычлары турындагы ТР финанс, казначылык һәм салым органнары республика киңәшмәсендә әнә шундый мәгълүматлар китерелде. ТР Хөкүмәте йортында узган киңәшмәне Татарстан Президенты Рөстәм Миңнеханов үткәрде.
Киңәшмәне ачып, республика башлыгы ТР консолидацияләнгән бюджеты үтәлешенә квартал саен нәтиҗә ясалуын искәртте. “Тулаем алганда, 9 айдагы нәтиҗәләр буенча без бюджет үтәлеше буенча эшне канәгатьләнерлек дип саныйбыз. Безнең төп чыгым йөкләмәләре үз вакытында һәм тоткарлыкларсыз үтәлде”, - дип белдерде Р.Миңнеханов.
Республика башлыгы кризис чорында республика тарафыннан бюджеттагы касса аермасын бетерү һәм Универсиадага әзерлек эшләре өчен кредит ресурслары җәлеп ителүен билгеләп үтте.

Татарстан парламенты комитетларында “Татарстан Республикасының 2012 елга һәм 2013 һәм 2014 елларның планлы чорына бюджеты турында” закон проектын карау дәвам итә. Бүген ТР Дәүләт Советының Бюджет, салымнар һәм финанслар комитеты утырышында да әлеге документ буенча фикер алыштылар. Республиканың төп финанс документы проекты белән депутатларны ТР Финанслар министры Радик Гайзатуллин һәм Татарстан Республикасының 2012 елга һәм 2013 һәм 2014 елларның план чорына социаль-икътисади үсеш фаразы, төп финанс документының төп күрсәткечләре белән ТР Икътисад министры Мидхәт Шаһиәхмәтов таныштырды.

2012 елга республика бюджетының керем өлешен - 106 476 946,1 мең сум, чыгым өлешен 110 139 336,6 мең сум күләмендә расларга тәкъдим ителә. Бюджет кытлыгы – 3 662 390,5 мең сум күләмендә.

Бүген Яшел Үзәндә ТР Дәүләт Советы Рәисе Фәрит Мөхәммәтшин катнашында зона киңәшмәсе узды. Анда 2012 елга һәм 2013-2014 план чорына республика бюджеты проекты тәкъдим ителде. Бу чарага Татарстанның 14 муниципаль районы вәкилләре чакырылды.

Искәртеп үтәбез, кичә андый киңәшмәләр Чаллыда һәм Чистайда узды. Бюджет проектын фикер алышу инициативасы белән “Бердәм Россия” партиясенең төбәк бүлеге чыкты.

Бүген Чистай һәм Чаллыда 2012-2014 елларга бюджет формалаштыру буенча зональ кидәшмәдләр узды.

Аларда ТР Дәүләт Советеның бюджет, салым һәм финанслар буенча комитет рәисе Мурад Гадылшин, ТР финанс министра Радик Гайзатуллин, ТР икъдисад министрының беренче урынбасары Сәрия Сираҗиева, муниципаль берәмлекләрнең финанслар идарәсе җитәкчеләре катнашты.

Бүген Татарстан парламентында “Татарстан Республикасының 2012 елга һәм 2013 һәм 2014 елларның планлы чорына бюджеты турында” закон проекты буенча парламент тыңлаулары вакытында ТР финанс министры Радик Гайзатуллин бюджетның төп параметрлары белән таныштырды.

Аерым алганда, бюджет өлкәсенең хезмәткә яңача түләү системасында булган хезмәткәрләргә эш хакы 2012 елның 1 октябреннән 6 процентка артачак. Бюджетның мәдәният, сәламәтлек саклау, социаль тәэмин ителеш өлкәләре хезмәт хакы түләүнең яңа системасына күчерү көтелә. Алар өчен 2012 елның 1 октябреннән хезмәт хакы фонды 16 процентка арта.

Татарстан парламенты комитетларында “Татарстан Республикасының 2012 елга һәм 2013 һәм 2014 елларның планлы чорына бюджеты турында” закон проектын карау дәвам итә. Бүген ТР Дәүләт Советының Икътисад, инвестицияләр һәм эшкуарлык комитеты утырышында да әлеге документ буенча фикер алыштылар.

Депутатларны бюджет проекты белән ТР Финанслар министры Радик Гайзатуллин таныштырды. Ул башта бюджетның керем өлешенә тәэсир ясый торган факторлар турында сөйләп үтте. Әлеге факторларның федераль законнарга кертелгән үзгәрешләр нигезендә килеп чыгуын белдерде.

Бүген Татарстан Хөкүмәте йортында торак төзелеше, шул исәптән, социаль ипотека программасы буенча торакны гамәлгә кертү, Бөек Ватан сугышы ветераннарын торак белән тәэмин итү, 2011 елда гражданнарны авария хәлендәге торак фондтан күчерү буенча республика программасын гамәлгә ашыру мәсьәләләре буенча республика киңәшмәсе узды. Аны Татарстан Президенты Рөстәм Миңнеханов алып барды.
Көн үзәгенә куелган мәсьәләләр буенча ТР Министрлар Кабинетының төзелеш, транспорт, торак-коммуналь һәм юл хуҗалыгы идарәсе башлыгы Илдар Сибгатуллин һәм ТР Төзелеш, архитектура һәм ТКХ министры Ирек Фәйзуллин хисап тотты.
Киңәшмәнең башында ук Рөстәм Миңнеханов агымдагы елга билгеләнгән төп төзелеш эшләрен төгәлләргә вакыт җиткәнен искәртеп узды. Тулаем алганда, куелган план күрсәткечләре үтәлеп килсә дә, Яшел Үзән һәм Казан буенча төзелешкә акча җыю буенча берникадәр артта калу сизелә, моңа бәйле рәвештә, аларга шушы көннәрдә барлык төзелеш программалары буенча акча күчерү буенча бурычларны үтәргә кушылды. Президент үз чиратында аларның биргән вәгъдәләренә ышанычын белдерде.