ЯҢАЛЫКЛАР
Татарстан Республикасында икътисадка инвестицияләр җәлеп итү өчен Татарстан Республикасының Алабуга, Югары Ослан һәм Лаеш муниципаль районнары территориясендә төзелгән махсус икътисадый зоналар резидентлары, алгарышлы үсеш территорияләре резидентлары, махсус инвестицион контрактларда катнашучы оешмалар, инвестицион эшчәнлек субъектлары өчен табышка салым һәм оешмалар милкенә салым буенча түбәнәйтелгән ставкалар агымдагы елда гамәлдә булуын дәвам итә. Әлеге ташламалар суммасы 6,5 млрд. сумнан артык тәшкил итте.
Татарстан Республикасында гражданнарның тормыш сыйфатын яхшыртуга, икътисад һәм инфраструктураны үстерүгә юнәлдерелгән илкүләм проектларны уңышлы тормышка ашыру дәвам итә. Проектлар Россия Федерациясе Президенты В.В. Путин карары буенча гамәлгә куела.
Татарстан Республикасы Фәннәр академиясенең Г.Ибраһимов исемендәге Тел, әдәбият һәм сәнгать институтын үстерүгә Татарстан Республикасы бюджетыннан өстәмә акча бүлеп бирелде.
2024 елга Татарстан Республикасы бюджетында «Татарстан Республикасының икътисадый үсеше һәм инновацион икътисады» дәүләт программасынын «Татарстан Республикасында дәүләт икътисадый сәясәтен камилләштерү» төбәк проекты кысаларында Татарстан Республикасы муниципаль берәмлекләре бюджетларына авыл һәм шәһәр җирлекләренә грантлар бирү өчен 347,5 млн.сум күләмендә бюджетара трансфертлар каралган.
Татарстан Республикасы Урман хуҗалыгы министрлыгы 2024 елдан Татарстан Республикасы территориясендә «Ил пилотсыз авиация системаларына ихтыяҗны стимуллаштыру» яңа федераль проектын гамәлгә ашыруда катнаша.
Россия Федерациясе Финанс министрлыгының «Россия Федерациясе бюджет классификациясе кодларын формалаштыру һәм куллану тәртибе, аларның структурасы һәм билгеләү принциплары турында» 2022 елның 24 маендагы 82н номерлы боерыгына ярашлы рәвештә, 2024 елның 1 гыйнварыннан федераль бюджеттан башка бюджетара трансфертлар хисабына гамәлгә ашырыла торган Татарстан Республикасы бюджеты чыгымнарының чагылышы үзгәрде.
Россия Федерациясе Хөкүмәтенең 2023 елның 2 августындагы 2082-р номерлы карары белән 2024 елга, 2025 һәм 2026 елларның план чорына федераль бюджеттан субсидияләр буенча Россия Федерациясе субъектының чыгым йөкләмәсен финанслауның чик дәрәҗәсе расланды.
Татарстан Республикасы территориясендә урнашкан күпфатирлы йортларда гомуми милекне капиталь ремонтлауның төбәк программасын гамәлгә ашыруның кыска вакытлы планына ярашлы, 2023 ел йомгаклары буенча төбәк операторы тарафыннан 718 күпфатирлы йортта капиталь ремонт ясауга 6,2 млрд.сум юнәлтелгән, шуларның 0,9 млрд. сум 109 йортта лифт җиһазларын алыштыруга сарыф ителгән.
2023 ел нәтиҗәләре буенча республиканың дәүләт һәм муниципаль учреждениеләре күрсәткән түләүле хезмәтләрдән тупланма керемнәр 18 981,1 млн.сум тәшкил итте, бу 2022 елга керемнәрдән 3 019,7 млн. сумга күбрәк.
Яшел Үзән индустриаль паркында Ozon маркетплейсы склады инфраструктурасын булдыру буенча масштаблы проект гамәлгә ашырыла.