ЯҢАЛЫКЛАР

Бүген ТР Дәүләт Советының мәгариф, мәдәният, фән һәм милли мәсьәләләр комитеты утырышы узды. Анда депутатлар республика һәм федераль закон проектларын карадылар. Комитет утырышында ТР Дәүләт Советы Рәисе урынбасары Римма Ратникова катнашты.
ТР икътисад министры урынбасары Олег Пелевин һәм ТР финанслар министры урынбасары Оксана Кисапова "2016 елга ТР бюджеты турында"гы ТР закон проекты турында мәгълүмат белдерделәр. Закон проекты буенча фикер алышуда депутатлар Римма Ратникова, Разил Вәлиев, Артем Прокофьев, Ирина Бакова, Мәкъзүм Сәлахов катнашты.

Бүгенге катлаулы шартларда без Татарстанның үз кешеләрен югары сыйфатлы продукция белән тәэмин итә алуын исбатладык. Бүген бу хакта Татарстан Республикасы Президенты Рөстәм Миңнеханов Авыл хуҗалыгы һәм эшкәртү сәнәгате хезмәткәре көненә багшыланган тантаналы чарада хәбәр итте. Казанның «Корстон» КККда узган тантанада ТР Президенты Аппараты Җитәкчесе Әсгать Сәфәров, Татарстан Республикасы Премьер-министры урынбасары-Татарстан Республикасы авыл хуҗалыгы һәм азык-төлек министры Марат Әхмәтов, Әзәрбәйҗан Республикасының гадәттән тыш хәлләр һәм гражданнар оборонасы министры Кәмаледдин Гейдаров, Татарстан Республикасы министрлыклары һәм ведомстволары җитәкчеләре, республиканың АСК вәкилләре катнашты.    

"Татарстан Республикасы алдында казанышлары өчен" медале белән статс-секретарь- РФ спорт министры урынбасары Наталья Паршикова һәм РФ финанслар министры урынбасары Айрат Фәррахов бүләкләнде, "Фидакарь хезмәте өчен" медале белән Федераль медик-биология агентлыгының (ФМБА) спорт медицинасын оештыру идарәсе башлыгы Юлия Мирошникова бүләкләнде.

Бүген ТР Дәүләт Советының социаль сәясәт комитеты утырышы узды. Көн үзәгенә Татарстан Республикасының киләсе елга бюджет проектын карау мәсьәләсе куелган иде. ТР икътисад министры урынбасары Олег Пелевин һәм ТР финанслар министры урынбасары Алексей Шишкин бюджет турындагы доклад белән чыгыш ясадылар.

Шулай итеп, 2016 ел бюджет проектында бюджет өлкәсенең аерым категория гражданнарына хезмәт хакларын арттыру, 2016 елның 1 сентябреннән стипендияләрне арттыру һ.б. чыгымнар планлаштырылган.

Татарстан Республикасы - сакчыл җитештерүне кертү өчен иң уңышлы мәйданчыкларның берсе. Бу хакта бүген Татарстан Республикасы Президенты Рөстәм Миңнеханов "Хезмәт җитештерүчәнлеге һәм сакчыл җитештерү" II халыкара фәнни-гамәли конференциясендә белдерде. Чара Чаллыда “КАМАЗ” ГАҖнең двигательләр заводы территориясендә узды.

Конференция эшендә шулай ук РФ Сәнәгать һәм сәүдә министрлыгының Транспорт һәм махсус машина төзү департаменты директоры урынбасары Вячеслав Бурмистров, ТР Премьер-министры урынбасары - сәнәгать һәм сәүдә министры Равил Зарипов, "КАМАЗ" ГАҖ генераль директоры Сергей Когогин, халыкара лин-тренерлар, Татарстан һәм Россиянең эре предпритиеләре җитәкчеләре катнаша.

Бүген ТР Дәүләт Советының дәүләт төзелеше һәм җирле үзидарә комитеты утырышында 2016 елга республика бюджет проекты каралды. Парламентарийлар комитет кураторлык иткән юнәлешләр: гомумдәүләт мәсьәләләре, дәүләт һәм муниципаль бурычларга хезмәт күрсәтү, муниципаль берәмлекләр бюджетларына гомум рәвештәге бюджетара трансфертлар буенча табышлар һәм чыгым маддәләрен тулыландыру структурасы хакында фикерләште. Утырышны комитет рәисе Альбер Хәбибуллин үткәрде, чарада ТР Дәүләт Советы Рәисе урынбасары Римма Ратникова катнашты.

Дәүләт Советына Татарстан Президенты тарафыннан кертелгән 2016 елга бюджет проекты, хәзерге вакытта профиль юнәлешләре буенча барлык парламент комитетлары утырышларында тикшерелә. Чистай, Түбән кама, Казан һәм Буада зона киңәшмәләре үткәрелде. 2 октябрьдә парламент тыңлаулары узды. 8 октябрьдә бюджет, салым һәм финанслар буенча төп комитет утырышы булыр дип көтелә, анда парламент комитетларының барлык тәкъдимнәре һәм кисәтүләре гомумиләштереләчәк.

Бүген Татарстан Республикасы һәм MasterCard халыкара түләү системасы социаль-икътисадый үсеш максатыннан мәгълүмати-түләү хезмәтен күрсәтү өлкәсендә хезмәттәшлек итү турында килешү имзаладылар. Чара "Сочи-2015" халыкара инвестиция форумын барышында узды. 

Бүген Икътисад, инвестицияләр һәм эшкуарлык комитеты утырышында Татарстанның 2016 елга бюджеты проекты каралды. Беренче чиратта, депутатларны илкүләм икътисад, гомумикътисад мәсьәләләре, транспорт һәм юл хуҗалыгы, элемтә, ТКХ һ.б. юнәлешләр кызыксындырды.

ТР икътисад министры урынбасары Олег Пелевин һәм ТР финанслар министры урынбасары Данил Волков республиканың социаль-икътисади үсеш фаразлары һәм төп финанс законның нечкәлекләре турындагы докладлар белән чыгыш ясадылар.

2016 елда Татарстан бюджетын арттыручы иң мөһим юнәлеш булып керемгә салым булачак. Алар консолидацияләнгән бюджетның 74 процентын һәм республика бюджетының 80 процентын тәшкил итәчәк. Физик затлардан алынган салымның күләме генә дә 59,3 млрд сум булыр дип фаразлана.

Бу хакта бүген ТР Дәүләт Советында уздырылган парламент тыңлаулары вакытында ТР финанс министры Радик Гайзатуллин хәбәр итте. “Татарстан Республикасының 2016 елга бюджеты” темасына багышланган әлеге чарада ТР Премьер-министры Илдар Халиков, ТР парламенты рәисе урынбасары Юрий Камалтынов катнашты. Утырыш ТР Дәүләт Советының бюджет, салымнар һәм финанслар комитеты җитәкчесе Леонид Якунин рәислегендә узды.

Бүген Казанда ТР Профсоюзлар федерациясе, ТР Эш бирүчеләр координацион советы һәм ТР Министрлар Кабинеты арасында Татарстанда минималь хезмәт хакы турындагы килешүгә кул куелды. Документны ТР Премьер-министры Илдар Халиков, ТР Профсоюзлар федерациясе рәисе Татьяна Водопьянова һәм ТР Предприятиеләр һәм эшмәкәрләр ассоциациясе президенты, ТР Эш бирүчеләр координацион советы рәисе Александр Лаврентьев имзалады.

Әлеге килешү нигезендә, ул имзаланган көннән, ТР икътисадының бюджеттан тыш оешмаларында аена 7309 сумнан да ким булмаган минималь хезмәт хакы билгеләнә. Ул сумма эшкә яраклы халык өчен яшәү минимумы дәрәҗәсенә якынайтылган.