ЯҢАЛЫКЛАР
Дәүләт Советының унбишенче утырышы 29 октябрьдә сәгать унда була. Мондый карар бүген Дәүләт Советы Президиумының Түбән Камада узган күчмә утырышында кабул ителде. Утырышта 10 мәсьәлә, шул исәптән беренче укылышта 5 закон проектын һәм Табигатьтән файдалану өлкәсендә федераль күзәтчелек хезмәтенең Идел-Кама регионара идарәсе эшчәнлеге турында мәгълүматны карау планлаштырыла.
Һава транспорты федераль агентлыгы боерыгы белән 2025 елда субсидияләнә торган региональ һава транспорты маршрутлары исемлеге расланды.
2025 елның 1 декабрендә мөлкәт салымнарын (2024 ел өчен) түләү вакыты җитә. Федераль салым хезмәтенең Татарстан Республикасы буенча идарәсе мәгълүматлары буенча физик затлардан мөлкәт салымнары 2025 елда барлыгы 11,5 млрд.сум күләмендә түләнергә тиеш.
Бөтенроссия гимнастика көне ел саен октябрьнең соңгы шимбәсендә билгеләп үтелә. Әлеге бәйрәм 1999 елда РФ спорт һәм нәфис гимнастика федерацияләре тарафыннан актив һәм сәламәт яшәү рәвешен популярлаштыру, шулай ук бу борынгы спорт төрен яктырту максатында гамәлгә куелган. Бу көнне бөтен ил буйлап гимнастиканы үстерүгә һәм аны киң җәелдерүгә юнәлдерелгән төрле чаралар, фестивальләр, мастер-класслар һәм ярышлар уза.
2026 елга, 2027 һәм 2028 еллар план чорына Татарстан Республикасы бюджеты турында закон проекты парламент комитетларында профильле юнәлешләр буенча карау процедурасын узды һәм Дәүләт Советы тарафыннан беренче укылышта кабул итү өчен тәкъдим ителде. Бүген Бюджет, салымнар һәм финанс комитеты утырышында закон проекты буенча Дәүләт Советының барлык комитетларының тәкъдимнәре һәм кисәтүләре исәпкә алынган җыелма бәяләмә кабул ителде. Утырышта ТР Дәүләт Советы Рәисе урынбасары Марат Әхмәтов һәм Татарстан Рәисе ярдәмчесе, ТР Рәисенең Дәүләт Советында тулы вәкаләтле вәкиле Александр Терентьев катнашты.
Агымдагы елның 1 октябренә Татарстан Республикасы бюджеты кеременә федераль бюджеттан 44,4 млрд сум (планлы билгеләнешләрнең 62,4%ы) күләмендә максатчан бюджетара трансфертлар керде, шул исәптән:
2025 елның 1 октябренә салымнар буенча бурыч 11 253,6 млн.сум тәшкил иткән. Узган елның шул ук чоры белән чагыштырганда бурыч 245,1 млн.сумга яки 2% ка арткан. Бу хакта Татарстан Республикасы финанс министры урынбасары Алла Анфимова муниципалитетлар белән Татарстан Республикасы берләштерелгән бюджетына салымнар буенча бурычларны киметү мәсьәләләре буенча киңәшмәдә хәбәр итте.
Рөстәм Миңнеханов Татарстан Республикасы Дәүләт Советына Юллама белән мөрәҗәгать итте
Бүген Татарстан Республикасы Рәисе Рөстәм Миңнеханов ТР Дәүләт Советына Юллама белән чыгыш ясады. Юллама VII чакырылыш республика Дәүләт Советының Салих Сәйдәшев исемендәге Дәүләт Зур концертлар залында узган икенче утырышында яңгырады.
Агымдагы елның 1 октябренә Татарстан Республикасының дәүләт бурычы күләме 99 190,1 млн. сум тәшкил итте, шул исәптән:
Республикада балаларда химия һәм физика фәннәре белән кызыксыну хисен уятырга, инженер һөнәрләрен сайлаучы абитуриентлар санын арттыруга йөз тоткан «Физик-химик алгарыш» проектын эшләтеп җибәрү планлаштырыла.